D230 saylı Blok üzrə Seysmik Tədqiqat

ƏMSSTQ heyəti və strukturu

D230 saylı Blokun seysmik tədqiqat üzrə ƏMSSTQ heyətinə dair təfərrüatlar Cədvəl 1.1-də təqdim edilib.

Cədvəl 1.1: D230 saylı Blok üzrə seysmik tədqiqat ilə bağlı ƏMSSTQ heyəti

Heyət üzvü	Funksiyaları
AECOM	ƏMSSTQ layihəsinin meneceri və aparıcı müəllifləri
	Sosial-iqtisadi qiymətləndirmə
	Ekoloji qiymətləndirmə
Tamara Zərbəliyeva	Balıq və balıqçılıq təsərrüfatı üzrə yerli mütəxəssis
Tariel Eybətov	Xəzər suitiləri üzrə yerli mütəxəssis
Award Environmental Consultants Limited	Sualtı səs üzrə mütəxəssis
BP	HPBS-ə uyğun olaraq D230 saylı blok üzrə operator
	Neft dağılmasının modelləşdirilməsi

Bu ƏMSSTQ hesabatı 10 fəsildən ibarətdir:

• 
  İlk növbədə, “Giriş” bölməsində Layihəyə dair icmal və ümumi məlumat, ƏMSSTQ tədqiqatının məqsədləri və ƏMSSTQ Hesabatının strukturu təqdim edilib. 2-ci fəsildə Layihə üçün qanunverici və hüquqi-normativ kontekst müəyyənləşdirilir, o cümlədən qüvvədə olan milli hüquqi və inzibati baza, Layihəyə aid olan milli və beynəlxalq qanunlar və konvensiyalar, müvafiq milli ƏMTQ təlimatları və regional proseslər təqdim edilir. 3-cü fəsildə qiymətləndirmə metodologiyası, təsirin əhəmiyyətinin müəyyənləşdirilməsi üzrə yanaşma və təsirazaltma metodu təsvir edilir və 3-cü fəsildə o cümlədən əhatə dairəsinin müəyyənləşdirilməsi prosesi xülasə şəklində təqdim olunur.
  
• 
  4-cü fəsildə Layihənin icmalı verilir, o cümlədən əməliyyatın parametrləri, avadanlığın spesifikasiyaları, emissiyalar, resurslardan istifadə və layihələndirmənin nəzarət-mühafizə tədbirləri müzakirə edilir.
  
• 
  5-ci fəsildə ilkin vəziyyət xülasə şəklində təqdim edilir, o cümlədən Layihənin təsirinə məruz qala biləcək sahə daxilində yerləşən əsas reseptorlar və bio-fiziki və sosial-iqtisadi mühit barədə icmal verilir.
  
• 
  Ətraf Mühitə və Sosial-iqtisadi Sahəyə Təsirin Qiymətləndirilməsi 6-cı fəsildə təqdim edilib və orada əsas aspektlərin/fəaliyyətlərin ətraf mühit ilə qarşılıqlı əlaqələri müəyyənləşdirilir və nəticə etibarilə meydana çıxan birbaşa və dolayı təsirlər qiymətləndirilir. Qalıq təsirləri qiymətləndirmək üçün təsirazaltma tədbirləri tətbiq olunur.
  
• 
  Fəsil 7-də potensial kumulyativ təsirlərin və planlaşdırılmamış halların qiymətləndirilməsi təqdim edilir. Bu fəsildə riskləri idarə etmək üçün tədbirlər və planlaşdırılmamış hadisələrə qarşı cavab tədbirləri təsvir edilir. 8-ci fəsildə potensial transsərhəd təsirlər təqdim edilir və əhatə dairəsindən çıxarılmış elementlərin tam əsaslandırılması verilir, habelə əhatə dairəsinə daxil edilmiş elementlərin riskləri üzrə ehtimallar müfəssəl şəkildə təqdim edilir.
  
• 
  9-cu fəsildə əhatəli Ətraf Mühitin və Sosial-iqtisadi Sahənin İdarə Olunması Planı təqdim edilir və orada layihənin idarəetmə sistemləri, təsirazaltma tədbirləri və xüsusi idarəetmə planları üzrə tələblər təfsilatı ilə əks etdirilir.
  
• 
  ƏMSSTQ Hesabatına dair yekun rəylər 10-cu fəsildə təqdim edilir.
  

1^ Strimer müntəzəm intervallarda qəbuledicilərin (yəni, hidrofonların) birləşdirildiyi və hidrofonların hər birinin qəbul etdiyi siqnalların tədqiqat gəmisinin göyərtəsində yerləşən seysmik tədqiqat avadanlıqlarına ötürüldüyü üzən elektrik kabelindən ibarətdir.

Dekabr 2018-ci il

Yekun variant