Darsning usuli – Aralash, aqliy hujum, ajurli arra;
Darsning turi – yangi bilim, ko’nikma va malaka hosil qilish.
Darsning jihozi –”Tarix” 5-sinf uchun darslik, “Qadimgi dunyo tarixi” asari, mavzuga oid ko’rgazmali qurollar, plakatlar, tarqatma materiallar
Asosiy tushunchalar – kohin, labirint, inklar, kipu, Pasxa oroli, Mikena, Mayya; Darsning borishi.
I. Tashkiliy qism. a) salomlashish, b) davomat, c) yurtimiz va xorij xabarlarini so’rash.
II. O’tgan mavzuni mustahkamlash. ( uyga vazifa tekshiriladi.)
III.Yangi mavzu. Qadimgi sivilizatsiyalar Miloddan avvalgi 3-2 ming yilliklarda Kritda davlat tashkil topgan. Bu Yevropadagi birinchi davlat edi.
Mikena madaniyati: Bugungi Gretsiyaning janubida Peloponnes yarim oroli bor. Miloddan avvalgi 2-ming yillikda bu yerda Mikena shahri qurilgan. Bronzadan yasalgan turli qurollar, oltindan ishlangan zeb-ziynatlar, sopoldan tayyorlangan idishlar qoldiqlari yaxshi saqlangan.
Mayya madaniyati: Markaziy Amerikaning Yukatan yarimorolida, qalin chakalakzorlar orasida mayyalar yashardi. Milodning 1-ming yilligida mayyalarda shahar-davlatlar vujudga keldi. Har bir shahar-davlatga “Ulug’ inson” hukmdorlik qilgan. mayya xalqining 300 belgidan iborat iyeroglifli yozuvi bo’lgan.
Inklar madaniyati: Amerikada hozirgi Peru davlati hududida yashovchi inklar ham o’z davlatlarini tashkil etganlar. Davlatni oliy hukmdor – Oliy Inka boshqargan. Oliy Inkaning yaqin qarindoshlari bo’lgan erkaklar o’zlarini “Quyosh o’g’illari” deb atashardi. “Quyosh o’g’illari” davlatda yuqori lavozimlarni egallaganlar. Inklar iplarni turli ko’rinishda tugish yo’li bilan o’ziga xos yozuv yaratganlar. Bu yozuv “kipu” deb atalgan. Ink zargarlari ibodatxonalarda “Oltin bog” barpo etganlar.
Pasxa oroli sirlari:Pasxa oroli hozirgi Chili davlatiga tegishli. Orol Tinch okeanida joylashgan. Orol 1722-yilda gollandiyalik dengiz sayyohi Yakob Roggeven tomonidan kashf etilgan.
