3.6. Viloyat, tuman va shaharlarni kompleks va mutanosib ijtimoiy-iqtisodiy rivojlantirish, ularning mavjud salohiyatidan samarali va optimal foydalanish
136.
Hududlarda zamonaviy ishlab chiqarish va muhandislik-kommunikatsiya infratuzilmasini tashkil etish bo‘yicha loyihalarni, jumladan, davlat-xususiy sheriklikni kuchaytirish orqali to‘liq amalga oshirish.
2018-yil
1-noyabr
Innovatsion rivojlanish vazirligi, Loyiha boshqaruvi milliy agentligi, Iqtisodiyot vazirligi, Axborot texnologiyalari va kommunikatsiyalarni rivojlantirish vazirligi, vazirlik va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
—
—
Normativ-huquqiy hujjatlar loyihasi.
Loyihada:
hududlarda zamonaviy ishlab chiqarish va muhandislik-kommunikatsiya infratuzilmasini tashkil etish bo‘yicha loyihalarni amalga oshirish parametrlari;
“Aqlli shahar”, “Aqlli mahalla”, “Aqlli uy” va “Aqlli hokimiyat” konsepsiyalarini o‘z ichiga olgan normativ-huquqiy hujjatlarni ishlab chiqish nazarda tutiladi.
137.
Hokimlar, davlat organlari va tashkilotlari rahbarlarining investitsiyalarni jalb qilish, xorijiy investorlar bilan hamkorlik qilish, yangi ishlab chiqarish turlarini tashkil etish va ish o‘rinlarini yaratish bo‘yicha faolligini oshirish.
2018-yil
30-mart
Investitsiyalar bo‘yicha davlat qo‘mitasi, Mehnat vazirligi, Moliya vazirligi, Iqtisodiyot vazirligi
—
—
Normativ-huquqiy hujjatlar loyihasi.
Loyihada davlat organlari va tashkilotlari rahbarlarining investitsiyalarni jalb qilish, xorijiy investorlar bilan hamkorlik qilish, yangi ishlab chiqarish turlarini tashkil etish va ish o‘rinlarini yaratish bo‘yicha faoliyatini moddiy rag‘batlantirish tizimini yaratish nazarda tutiladi.
138.
Hududlarning investitsiyaviy jozibadorlik reytingini ishlab chiqish va e’lon qilib borishni joriy etish.
2018-yil
1-iyun
Investitsiyalar bo‘yicha davlat qo‘mitasi, Iqtisodiyot vazirligi, Loyiha boshqaruvi milliy agentligi, Moliya vazirligi, Savdo-sanoat palatasi
—
—
Normativ-huquqiy hujjatlar loyihasi.
Loyihada joylarda investorlarga yaratilgan shart-sharoitlarni (resurs, infrastruktura, davlat va boshqa xizmatlarning qulayligi) aniqlash tizimini joriy qilish nazarda tutiladi.
