Davlat va jamiyat qurilishi / Davlat dasturlari, konsepsiyalari va boshqalar]

III. IQTISODIYOTNI RIVOJLANTIRISh VA FAOL TADBIRKORLIKNI QO‘LLAB-QUVVATLAShNING USTUVOR YO‘NALIShLARI

3.1. Makroiqtisodiy barqarorlikni mustahkamlash va yuqori iqtisodiy o‘sish sur’atlarini saqlab qolish
81.	Ilg‘or g‘oya, nou-xaular yaratish va “aqlli” texnologiyalarni ishlab chiqarishga ixtisoslashgan iqtisodiyotning yangi modeliga bosqichma-bosqich o‘tish.	2018-yil 1-iyul	Innovatsion rivojlanish vazirligi, Loyiha boshqaruvi milliy agentligi, Iqtisodiyot vazirligi, Investitsiyalar bo‘yicha davlat qo‘mitasi, Tashqi savdo vazirligi, davlat statistika qo‘mitasi, Energiya tejash milliy kompaniyasi, vazirlik va idoralar, xo‘jalik boshqaruv organlari	—	Budjet mablag‘lari, investitsiyalar, kreditlar, grantlar va boshqa mablag‘lar	Normativ-huquqiy hujjat loyihasi. Loyiha bilan O‘zbekistonni texnologik rivojlantirish va ichki bozorni modernizatsiya qilish bo‘yicha milliy dastur tasdiqlanadi. Dasturda: innovatsion faoliyatni davlat tomonidan qo‘llab-quvvatlash hamda rag‘batlantirishning tashkiliy-huquqiy va institutsional asoslarini yaratish; innovatsion ishlanmalarni yaratish uchun zarur bo‘lgan ehtiyot qismlar va jihozlar bilan mahalliy innovator va ixtirochilarni doimiy ravishda ta’minlash tizimini yo‘lga qo‘yish; iqtisodiyotni boshqarishning yangi mexanizmlarini, zamonaviy va ilg‘or texnologik yondashuvlarni joriy etish; innovatsiyalardan foydalanuvchi, raqamli texnologiyalar kiritilishini jadallashtiruvchi, muqobil energiya manbalarini joriy qiluvchi, ishlab chiqarishning ekologik toza uslublarini yo‘lga qo‘yadigan subyektlarni rag‘batlantirish; iqtisodiyot tarmoqlari samaradorligini baholashning innovatsion mezonlarini joriy etish nazarda tutiladi.
82.	Mahalliy mahsulotlar eksport hajmini oshirish, xorijiy investitsiyalarni keng jalb qilish, mamlakatning investitsion va turistik jozibadorligini oshirish bo‘yicha Tashqi ishlar vazirligi faoliyatini kuchaytirish.	2018-yil 20-mart	TIV, Investitsiyalar bo‘yicha davlat qo‘mitasi, Tashqi savdo vazirligi, Turizmni rivojlantirish davlat qo‘mitasi	—	—	Normativ-huquqiy hujjatlar loyihalari. Bunda: mahalliy mahsulotlar eksport hajmini oshirishga, investitsiyalar hamda turistlarni mamlakatimizga jalb ilishga ko‘maklashishni elchilar faoliyatining ustuvor vazifalaridan biri sifatida belgilash; O‘zbekistonning chet eldagi elchixonalarining har birida savdo va iqtisodiy masalalar bo‘yicha bo‘linmalarini (maslahatchi shtatini) joriy qilish masalasini ko‘rib chiqish; elchixona diplomatik xodimlarini lavozimiga qo‘yishda ularning iqtisodiy bilimlarini sinovdan o‘tkazish nazarda tutiladi.
83.	Pul-kredit siyosatini amalga oshirish va uni rivojlantirishning o‘rta muddatli Konsepsiyasini hamda 2018 — 2021-yillarda Konsepsiyani amalga oshirish bo‘yicha “yo‘l xarita”sini ishlab chiqish va tasdiqlash, unda bosqichma-bosqich inflatsiyaviy targetlash rejimiga o‘tish.	2018-yil 1-iyul	Markaziy bank, Moliya vazirligi, Iqtisodiyot vazirligi	—	—	Normativ-huquqiy hujjat loyihasi. Loyiha bilan konsepsiya va “yo‘l xaritasi” tasdiqlanadi. Konsepsiya va “yo‘l xaritasi”da pul-kredit siyosatini amalga oshirishning usul va mexanizmlarini xalqaro tajriba hamda zamon talablaridan kelib chiqqan holda takomillashtirish, xususan: umumiqtisodiy, soliq-budjet va pul-kredit siyosatini muvofiqlashtirish amaliyotini takomillashtirish, bunda iqtisodiy o‘sish, davlat budjetining balanslashganligi va iqtisodiyotdagi narxlar darajasining barqarorligi bo‘yicha o‘zaro harakatlar va maqsadlarning kelishilganligini ta’minlashga alohida e’tibor qaratish; likvidlikni boshqarish operatsiyalari bo‘yicha pul-kredit siyosatining samarali qo‘llaniladigan foiz instrumentlari turlarini kengaytirish; tijorat banklari tomonidan foiz stavkalarini shakllantirishda, shu jumladan, kreditlar bo‘yicha bozor mexanizmlarini keng joriy etish; ilg‘or xorijiy tajribaga muvofiq makroiqtisodiy tahlil va prognozlashni takomillashtirish; pul-kredit siyosatining, jumladan, qo‘llanilayotgan instrumentlar va yakuniy maqsadlar to‘g‘risida axborot yetkazib berish yo‘li bilan, shaffoflik va prognoz qilish imkoniyatini oshirish bo‘yicha chora-tadbirlar nazarda tutiladi.
84.	Aholi va tadbirkorlik subyektlarining bank tizimiga ishonchini kuchaytirish, banklar bilan tadbirkorlik subyektlari o‘rtasida samarali va o‘zaro manfaatli hamkorlik munosabatlarini ta’minlash.	2018-yil 1-sentabr	Markaziy bank, Moliya vazirligi, Iqtisodiyot vazirligi	—	—	O‘zbekiston Respublikasi qonuni loyihasi. Loyihada: aholi va tadbirkorlik subyektlarining bank tizimiga i�onchini kuchaytirish, banklar bilan tadbirkorlik subyektlari o‘rtasida samarali va o‘zaro manfaatli munosabatlarni ta’minlash borasida mavjud to‘siqlarni bartaraf etish va zarur shart-sharoit yaratish; “Banklar va bank faoliyati to‘g‘risida”gi O‘zbekiston Respublikasi Qonunini tanqidiy qayta ko‘rib chiqib, yangi tahrirdagi qonun loyihasini ixtisoslashgan xalqaro moliya institutlari xulosalarini inobatga olgan holda ishlab chiqish nazarda tutiladi.
85.	2018-yilda mamlakat ichki bozorida iste’mol tovarlari va xizmatlar bo‘yicha narxlarning keskin oshishini oldini olish.	2018-yil 20-mart	Ijtimoiy ahamiyatga ega oziq-ovqat tovarlarining asosiy turlariga narx-navoni monitoring va nazorat qilish respublika komissiyasi, Iqtisodiyot vazirligi, Markaziy bank, Moliya vazirligi, Davlat raqobat qo‘mitasi, “O‘zbekoziqovqatxolding” XK, “O‘zbekoziqovqat zaxira” uyushmasi	100,0 mln AQSh dollari, 385 mlrd. so‘m	Ichki iste’mol bozorida narx-navoni barqarorlashtirishga ko‘maklashish jamg‘armasi mablag‘lari	Ijtimoiy ahamiyatga ega oziq-ovqat tovarlarining asosiy turlariga narx-navoni monitoring va nazorat qilish respublika komissiyasi qarori. Qaro�da: ichki iste’mol bozoriga asosiy oziq-ovqat va boshqa iste’mol tovarlarining uzluksiz yetkazib berilishini ta’minlash; iste’mol tovarlari bo‘yicha yuzaga kelishi mumkin bo‘lgan taqchillikni oldindan aniqlash va bu bo‘yicha tegishli choralarni ko‘rish; asosiy turdagi oziq-ovqat mahsulotlari ishlab chiqarish hajmlarini oshirish; qishloq xo‘jalik ekin maydonlaridan (asosiy, oraliq, takroriy) samarali foydalanish; mamlakat ichki bozorida raqobat muhitini jonlantirib borish va sun’iy ravishda yaratilishi mumkin bo‘lgan taqchilliklarning oldini olish nazarda tutiladi.
86.	Valyuta siyosatining iqtisodiyotni rivojlantirish, shu jumladan, biznes va investitsiyaviy muhitni yaxshilashdagi rolini oshirish maqsadida yangi tahrirda “Valyutani tartibga solish to‘g‘risida”gi qonun loyihasini ishlab chiqish.	2018-yil 30-sentabr	Markaziy bank, Iqtisodiyot vazirligi, Moliya vazirligi, Adliya vazirligi, Bosh prokuratura, DSQ, DBQ	—	—	O‘zbekiston Respublikasi qonuni loyihasi. Loyihada: xalqaro tajribani chuqur o‘rganish asosida hamda tadbirkorlar ehtiyojlarini inobatga olgan holda, valyuta operatsiya�arini tartibga solishni soddalashtirish; havolaki normalarni maksimal darajada qisqartirgan holda valyuta operatsiyalarini amalga oshirishga oid barcha jihatlarni tartibga solish; jismoniy va yuridik shaxslarning o‘z valyuta mablag‘laridan erkin foydalanish huquqining kafolatlari; mamlakatning iqtisodiy manfaatlarini hisobga olgan holda, kapital harakati bilan bog‘liq operatsiyalarni tartibga solish; valyuta bozori faoliyatini yanada takomillashtirish va erkinlashtirish nazarda tutiladi.
87.	Innovatsion texnologiyalarga asoslangan, bank xizmatlari sifati va ulardan foydalanish imkoniyatlarini oshiruvchi yangi bank xizmati turlarini, xususan “raqamli banklar”ni, shuningdek, aholiga chakana xizmat ko‘rsatishga ixtisoslashgan bank bo‘linmalarini tashkil etish.	2018-yil 1-iyul	Markaziy bank, tijorat banklari, Axborot texnologiyalari va kommunikatsiyalarni rivojlantirish vazirligi	—	Tijorat banklarining o‘z mablag‘lari	Normativ-huquqiy hujjat loyihasi. Loyihada “raqamli banklar” va aholiga chakana xizmat ko‘rsatishga ixtisoslashgan bank bo‘linmalarining tashkiliy-huquqiy asoslari, shu jumladan, ularning fao�iyat yuritish tartibi, litsenziya talab va shartlari nazarda tutiladi.
88.	Innovatsion texnologiyalarni keng qo‘llagan holda yetakchi xorijiy to‘lov tizimlari bilan integratsiyalashgan zamonaviy chakana to‘lov tizimlarini rivojlantirish.	2018-yil 1-sentabr	Markaziy bank, tijorat banklari, Axborot texnologiyalari va kommunikatsiyalarni rivojlantirish vazirligi	—	—	Normativ-huquqiy hujjat loyihasi. Loyihada yetakchi xorijiy to‘lov tizimlari (Visa, Mastercard, Union Pay, PayPal va boshqalar) bilan integratsiyalashgan zamonaviy chakana to‘lov tizimlarining tashkiliy-huquqiy asoslarini yaratish va ularning faoliyat yuritish mexanizmlari belgilanadi.
89.	Fond bozorini rivojlantirish, sohada davlat boshqaruvini tubdan isloh qilish va davlat organlarining bir-birini takrorlovchi, ortiqcha nazorat funksiyalarini bekor qilish hamda moliya bozori uchun yagona davlat organini tashkil etish.	2018-yil 30-iyun	Moliya vazirligi, Qimmatli qog‘ozlar bozorini muvofiqlashtirish va rivojlantirish markazi, Davlat raqobat qo‘mitasi, Markaziy bank, Iqtisodiyot vazirligi, Adliya vazirligi	—	—	Normativ-hujjatlar loyihalari. Loyihalarda Markaziy bank, Moliya vazirligi va Davlat raqobat qo‘mitasining tegishli tarkibiy bo‘linmalari hamda Qimmatli qog‘ozlar bozorini muvofiqlashtirish va rivojlantirish markazi negizida moliya bozorini rivojlantirish bo‘yicha mustaqil davlat organini tashkil etish nazarda tutiladi.
90.	Aholining bo‘sh pul mablag‘larini iqtisodiyotning real sektoriga jalb qilish maqsadida korxonalar tomonidan chiqarilgan qimmatli qog‘ozlarni sotib olishni rag‘batlantirish.	2018-yil 1-may	Qimmatli qog‘ozlar bozorini muvofiqlashtirish va rivojlantirish markazi, Davlat raqobat qo‘mitasi, Moliya vazirligi, Iqtisodiyot vazirligi	—	—	Normativ-huquqiy hujjat loyihasi. Loyihada aholining bo‘sh pul mablag‘larini iqtisodiyotning real sektoriga jalb qilishni rag‘batlantirishni ta’minlash uchun jismoniy shaxslarning qimmatli qog‘ozlarni sotib olishga yo‘naltirilgan mablag‘larini daromad solig‘idan ozod etish nazarda tutiladi.
91.	Budjet daromadlari va xarajatlarining xalq uchun ochiq va oshkora bo‘lishini ta’minlash.	2018-yil 1-iyul	Moliya vazirligi, Hisob palatasi, Bosh prokuratura, DSQ	—	—	Normativ-huquqiy hujjat loyihasi. Loyihada davlat budjeti va budjetdan tashqari davlat maqsadli jamg‘armalari budjetlari daromadlari va xarajatlarining xalq uchun ochiqligi, shaffofligini ta’minlash, budjetnoma muhokamasida jamoatchilik fikrini inobatga olishga qaratilgan aniq mexanizmlar nazarda tutiladi.
92.	Milliy standartlarning xalqaro standartlar bilan uyg‘unlashuvi jarayonini jadallashtirish.	2018-yil 1-mart	“O‘zstandart” agentligi, vazirlik va idoralar	—	—	Chora-tadbirlar dasturi. Dasturda: eksportni va turizmni rivojlantirish maqsadida maqbul agrokultura amaliyoti (Global G.A.P.), “halol” va “kosher” standartlarni respublikada qabul qilish; respublikada eksport qiluvchi korxonalar ehtiyojidan kelib chiqqan holda 2018 — 2020-yillarda 1, 5 mingdan ortiq xalqaro standartlarni qabul qilish; tashqi bozorga sifatli va sertifikatlangan mahsulotlarni olib chiqish maqsadida yil davomida 2 mingdan ortiq korxonalarda xalqaro standartlarga muvofiq sifatni boshqarish tizimlarini joriy etish va sertifikatlashtirish nazarda tutiladi.
3.2. Soliq yukini kamaytirish va soliqqa tortish tizimini soddalashtirish siyosatini davom ettirish, bojxona ma’muriyatchiligini takomillashtirish va tegishli rag‘batlantiruvchi choralarni kengaytirish
93.	Erkin raqobat muhitini yaratish, narxlarning barqarorligi va imtiyozlarning manzilliligini ta’minlash maqsadida imtiyozlarni individual tartibda berish amaliyotidan voz kechish, ularni ishlab chiqarish va xizmat ko‘rsatishning alohida turlari uchun joriy etish.	2018-yil 30-aprel	Iqtisodiyot vazirligi, Moliya vazirligi, DSQ, DBQ, Davlat raqobat qo‘mitasi, Adliya vazirligi, Savdo-sanoat palatasi	—	—	Normativ-huquqiy hujjat loyihasi. Loyihada: imtiyozlar berishning shartlari, mezonlarini belgilash, ularning samaradorligini baholash va monitoring qilish tizimini joriy etish; imtiyozlarni muayyan moliyaviy ijtimoiy natijaga erishish sharti bilan berish; bojxona to‘lovlari bo‘yicha imtiyozlarni qayta ko‘rib chiqish; ishlab chiqarishda foydalaniladigan tovarlar bo‘yicha imtiyozlarni bekor qilib, maqbul boj to‘lovi stavkalarini belgilash; imtiyozlarni alohida subyektlarga emas, balki sohalar yoki tovarlar (xizmatlar, ishlar) turlariga nisbatan joriy etish nazarda tutiladi.
94.	Soliq yukini kamaytirish va soddalashtirish, shu asosda ishlab chiqarishni va soliqqa tortiladigan bazani kengaytirish.	2018-yil 1-dekabr	Moliya vazirligi, Iqtisodiyot vazirligi, DSQ, DBQ, Savdo-sanoat palatasi	—	—	Normativ-huquqiy hujjat loyihasi. Loyihada: o‘z ehtiyoji uchun obyektlar qurayotgan yangi tashkil etilgan tadbirkorlik subyektlariga yagona soliq to‘lovini ma’lum muddatga kechiktirish huquqini berish; kichik korxonalar uchun qo‘shimcha qiymat solig‘i to‘lashga o‘tishni rag‘batlantirish tizimini joriy qilish nazarda tutiladi.
95.	Kichik korxonalarni tez sur’atlarda rivojlanib, ishchilar sonini ko‘paytirishi hamda yirik korxonalar toifasiga o‘tishini rag‘batlantiruvchi tizim joriy etish.	2018-yil 1-iyul	Moliya vazirligi, DSQ, Iqtisodiyot vazirligi, Savdo-sanoat palatasi	—	—	O‘zbekiston Respublikasi Prezidenti Farmoni loyihasi. Loyihada ishchilar sonini oshirayotgan, tez sur’atlar bilan rivojlanayotgan kichik korxonalarni yirik korxonalar toifasiga o‘tishini rag‘batlantirishni nazarda tutuvchi mexanizmlarni joriy etish nazarda tutiladi.
96.	Soliq ma’muriyatchiligi va nazoratini tashkil etish tartibi va metodologiyasini tubdan takomillashtirish, ushbu tizimni ilg‘or xalqaro standartlar talablariga muvofiqlashtirish.	2018-yil 1-may	DSQ, vazirlik va idoralar	—	—	Normativ-huquqiy hujjat loyihasi. Loyiha bilan Soliq qonunchiligini takomillashtirish konsepsiyasi tasdiqlanadi. Konsepsiyada: Soliq kodeksining yangi tahrirdagi loyihasini ishlab chiqish; soliq to‘g‘risidagi qo�un hujjatlariga rioya etilishi, soliqlarning to‘g‘ri hisoblab chiqarilishi, to‘liq va o‘z vaqtida to‘lanishi ustidan nazoratni tubdan takomillashtirish; soliq ma’muriyatchiligining maksimal darajada shaffofligini ta’minlash mexanizmlarini tashkil etish; zamonaviy innovatsion g‘oyalar va tartib-taomillarni joriy qilish, elektron axborot bazalaridan samarali foydalanish asosida soliq solish bazasini kengaytirish; umumbelgilangan soliqlarni to‘lovchilar va soddalashtirilgan tartibda soliq to‘lovchilarning soliq yukini qayta ko‘rib chiqib, bu boradagi tafovutlarni kamaytirish; pul mablag‘larining g‘ayriqonuniy aylanishi manbalariga barham berish maqsadida uning sabab va shart-sharoitlarini bartaraf etish; davlat soliq xizmati organlarini halol, yuqori malakali xodimlar bilan to‘ldirish, sohada suiiste’molchilik holatlariga barham berish bo‘yicha yangi tizimni yaratish nazarda tutiladi.
97.	Bojxona qonunchiligini tubdan takomillashtirish, ushbu tizimni ilg‘or xalqaro standartlar talablariga muvofiqlashtirish.	2018-yil 1-may	DBQ, Moliya vazirligi, DSQ, Iqtisodiyot vazirligi, Tashqi savdo vazirligi	—	—	Normativ-huquqiy hujjat loyihasi. Loyiha bilan Bojxona qonunchiligini takomillashtirish konsepsiyasi tasdiqlanadi. Konsepsiyada: Bojxona kodeksini takomillashtirish yo‘nalishlarini belgilash; bojxona haqidagi qonun hujjatlariga rioya etilishini nazorat qilishni tubdan takomillashtirish; jadal o‘zgarayotgan tashqi iqtisodiy vaziyatlarga bojxona organlarining javob berish va ta’sir ko‘rsatish mexanizmlarini ishlab chiqish; bojxona ma’muriyatchiligining yuqori darajada shaffofligini ta’minlash mexanizmlarini tashkil etish; zamonaviy innovatsion g‘oyalar va tartib-taomillarni joriy qilish, elektron axborot bazalaridan samarali foydalanish; davlat bojxona xizmati organlarini halol, yuqori malakali xodimlar bilan to‘ldirish, sohada suiiste’molchilik holatlariga barham berish bo‘yicha yangi tizimni yaratish nazarda tutiladi.
98.	Bojxona nazoratida xavfni boshqarish tizimini joriy qilish.	2018-yil 1-iyul	DBQ, vazirlik va idoralar	—	—	Normativ-huquqiy hujjat loyihasi. Loyihada bojxona ko‘rigini xavfni boshqarish tizimi orqali tadbirkorlik subyek�larining ishonchlilik darajasiga qarab toifalarga ajratish hamda “yashil” va “qizil” yo‘laklar orqali o‘tkazish tizimini joriy etish nazarda tutiladi.
3.3. Tarkibiy o‘zgartirishlarni chuqurlashtirish, milliy iqtisodiyotning yetakchi tarmoqlarini modernizatsiya va diversifikatsiya qilish hisobiga uning raqobatbardoshligini oshirish
99.	Elektr energiyasini ishlab chiqarishda monopoliyani tugatish, raqobat muhitini shakllantirish va muqobil energiya manbalaridan foydalanishni rag‘batlantirish.	2018-yil 30-iyun	“O‘zbekenergo” AJ, Iqtisodiyot vazirligi, Loyiha boshqaruvi milliy agentligi, Innovatsiya vazirligi, “O‘zbekneftegaz” AJ, “O‘zbekgidroenergiya” AJ, Energiya tejash milliy kompaniyasi	—	—	Normativ-huquqiy hujjat loyihasi. Loyihada muqobil energiya manbalaridan foydalangan holda elektr energiyasini ishlab chiqarish va uni iste’molchilarga yetkazishning huquqiy asoslarini takomillashtirish hamda ushbu sohani rag‘batlantiruvchi imtiyozlar berish nazarda tutiladi.
100.	Mahalliy aholining mamlakat bo‘ylab sayohatlarini rag‘batlantirish, sayyohlar uchun qulay infratuzilma yaratish, hududlarning sayyohlik salohiyatini keng targ‘ib qilish orqali ichki turizmni tizimli rivojlantirish.	2018-yil 20-fevral	Turizmni rivojlantirish davlat qo‘mitasi, O‘zbekiston yoshlar ittifoqi, Kasaba uyushmalari Federatsiyasi, Oliy va o‘rta maxsus ta’lim vazirligi	—	—	Normativ-huquqiy hujjat loyihasi. Loyihada: “O‘zbekiston bo‘ylab sayohat qil!” ichki turizmni rivojlantirish dasturini amalga oshirish bo‘yicha amaliy chora-tadbirlar rejasini tasdiqlash; ichki turistik oqimlarni rag‘batlantirish; turizm infratuzilmasini yaxshilash; ichki turizmni targ‘ib qilish; ichki turizm sohasida xo‘jalik yurituvchi subyektlarga qo‘shimcha yengilliklar yaratish nazarda tutiladi.
101.	Xorijiy sayyohlarning tashrifi uchun keng sharoitlar yaratish, ularning sayohat dasturlarini mazmunan boyitish va ko‘rsatiladigan xizmatlar turlarini kengaytirish hisobiga turizmni jadal rivojlantirish.	2018-yil 20-fevral	Turizmni rivojlantirish davlat qo‘mitasi, IIV, TIV, “O‘zbekiston havo yo‘llari” MAK, Moliya vazirligi, Oliy va o‘rta maxsus ta’lim vazirligi, Bandlik va mehnat munosabatlari vazirligi, Tashqi savdo vazirligi	—	—	Normativ-huquqiy hujjat loyihasi. Loyihada: turizmni rivojlantirish uchun viza tartibini soddalashtirish, elektron vizalarni joriy etish; xalqaro aviaqatnovlarni ko‘paytirish, shu jumladan xorijiy aviakompaniyalarni jalb qilish uchun keng imkoniyatlar yaratish; turistik mahsulotlarni xarid qilish tizimi, jumladan, elektron to‘lovlar tizimini rivojlantirish, sayyohlarga xizmat ko‘rsatuvchi tashkilotlarga imtiyoz va preferensiyalar taqdim qilish; sayohat dasturlarini mazmunan boyitish va ko‘rsatiladigan xizmatlar turlarini kengaytirish; O‘zbekistonning sayyohlik salohiyatini keng targ‘ib qilishga oid masalalar nazarda tutiladi.
102.	Mamlakatimizdagi moddiy madaniy meros obyektlarida va ular atrofidagi obyektlarda tegishli infratuzilmani shakllant�rish, amalga oshiriladigan diniy marosimlar uchun tegishli sharoitlarni yaratish orqali ziyorat turizmini sohaning istiqbolli yo‘nalishi sifatida rivojlantirish.	2018-yil 30-mart	Din ishlari bo‘yicha qo‘mita, O‘zbekiston musulmonlari idorasi, Madaniyat vazirligi, Fanlar akademiyasi, Turizmni rivojlantirish davlat qo‘mitasi, “O‘zstandart” agentligi, vazirlik va idoralar	—	—	Chora-tadbirlar rejasi. Rejada: ziyorat turizmi bo‘yicha xizmat ko‘rsatish obyektlari tomonidan qo‘llaniladigan standartlarni qabul qilish, sayyohlarni keng jalb qilish uchun zaruriy infratuzilmani shakllantirish, ziyoratchilar uchun xizmat ko‘rsatishning maqbul turlarini joriy etish; ziyorat turizmiga sayyohlarni jalb qilish borasida yangi marshrutlarni ishlab chiqish va targ‘ibot qilish nazarda tutiladi.
103.	Tibbiy turizmni tizimli rivojlantirish, davolash-sog‘lomlashtirish imkoniyatiga ega bo‘lgan tabiiy resurslardan oqilona foydalanish choralarini ko‘rish.	2018-yil 30-mart	Sog‘liqni saqlash vazirligi, Turizmni rivojlantirish davlat qo‘mitasi, Oliy va o‘rta maxsus ta’lim vazirligi, Kasaba uyushmalari Federatsiyasi	—	—	Chora-tadbirlar rejasi. Rejada: davolash va sog‘lomlashtirish muassasalarini xorijiy, ayniqsa, Markaziy Osiyo mamlakatlari fuqarolarini qabul qilishga moslashtirish; davolash xususiyatiga ega bo‘lgan, ma’danlarga boy tabiat boyliklaridan samarali foydalanish bo‘yicha tegishli infratuzilmani yaratish; mavjud imkoniyatlarni keng targ‘ib qilish va sayyohlarni jalb etish nazarda tutiladi.
104.	Namunali fermer xo‘jaliklarini sayyohlarga xizmat ko‘rsatishga moslashtirish, ularga sayyohlarni jalb qilish hamda ularning mamlakatimizda bo‘lish muddatlarini uzaytirish maqsadida agroturizmni rivojlantirish.	2018-yil 30-mart	Qishloq va suv xo‘jaligi vazirligi, Turizmni rivojlantirish davlat qo‘mitasi, Fermer, dehqon xo‘jaliklari va tomorqa yer egalari kengashi	—	—	Chora-tadbirlar rejasi. Rejada: namunali fermer xo‘jaliklari negizida sayyohlarga xizmat ko‘rsatish, xususan qishloq xo‘jaligi mahsulotlarini yetishtirish jarayoni bilan tanishtiruvchi tashrif markazlarini tashkil qilish; turistlarni hosil yig‘ishga jalb qilish, qiziqarli mahorat darslarini tashkil etish; yetishtiriladigan mahsulotlarni turizm mahsulotlari doirasida keng targ‘ib qilish va sayyohlarni jalb qilish masalalari nazarda tutiladi.
105.	O‘zbekistonning Jahon savdo tashkilotiga a’zo sifatida kirishi yuzasidan muzokaralarni faollashtirish.	2018-yil 1-noyabr	Tashqi savdo vazirligi, Iqtisodiyot vazirligi, Moliya vazirligi, Qishloq va suv xo‘jaligi vazirligi, Adliya vazirligi, Markaziy bank, vazirlik va idoralar	—	—	Chora-tadbirlar dasturi. Dasturda: milliy qonunchilikni Jahon savdo tashkiloti bitimlarida nazarda tutilgan normalar bilan o‘zaro taqqoslash va muvofiqlashtirish bo‘yicha takliflar; Jahon savdo tashkiloti bilan ishlash bo‘yicha Idoralararo komissiyaning yangilangan tarkibi; xalqaro tashkilotlar va rivojlangan mamlakatlar bilan hamkorlikda Jahon savdo tashkilotiga a’zo bo‘lish ustunliklari, oqibatlarini o‘rganish va tahlil qilish hamda mamlakat uchun manfaatli shartlarda huquqiy va institutsional islohotlarni amalga oshirish bo‘yicha takliflar; Jahon savdo tashkilotining O‘zbekiston Respublikasini ushbu tashkilotga a’zo bo‘lishi bo‘yicha Ishchi guruhi bilan to‘rtinchi yig‘ilishini o‘tkazish nazarda tutiladi.
106.	Meva-sabzavot mahsulotlari eksport qilinishiga ko‘maklashish hamda bojxona rasmiylashtiruvi vaqti va moliya xarajatlarini qisqartirish maqsadida “yashil yo‘lak” tizimini Qozog‘iston, Qirg‘iziston, Belarus va Boltiqbo‘yi mamlakatlari bilan yo‘lga qo‘yish choralarini ko‘rish.	2018-yil 1-iyun	DBQ, Tashqi savdo vazirligi, Qishloq va suv xo‘jaligi vazirligi, O‘simliklar karantini davlat inspeksiyasi	—	—	Kelishuv bitimlari. Bitimlarda Qozog‘iston, Qirg‘iziston, Belarus va Boltiqbo‘yi mamlakatlarining bojxona va karantin xizmati organlari bilan meva-s�bzavot mahsulotlarini eksport qilishi bo‘yicha “yashil yo‘lak” tizimini joriy etish bo‘yicha tadbirlar nazarda tutiladi.
107.	Qo‘shni mamlakatlar bilan logistik marshrutlarni diversifikatsiya qilish.	Yil davomida	Tashqi savdo vazirligi, TIV, Investiyalar bo‘yicha davlat qo‘mitasi, Iqtisodiyot vazirligi, “O‘zbekiston temir yo‘llari” AJ	—	—	Kelishuv bitimlari. Bitimlarda qo‘shni mamlakatlar bilan amaliy muzokaralar o‘tkazish, ularning infratuzilmasini rivojlantirishga investitsiyalar kiritish tashabbusi bilan chiqish orqali mahsulotlarning eksport-importidagi logistik muammolarni hal etishga qaratilgan tadbirlar nazarda tutiladi.
108.	Shanxay hamkorlik tashkilotiga a’zo davlatlarning “Integratsiyalashgan transport boshqaruv tizimi” Konsepsiyasi va Bitimi loyihasini ishlab chiqish.	2018-yil 10-aprel	Tashqi savdo vazirligi, TIV, Iqtisodiyot vazirligi, “O‘zbekiston temir yo‘llar” AJ, Avtomobil yo‘llari davlat qo‘mitasi, O‘zbekiston avtomobil va daryo transporti agentligi, DBQ	—	—	Konsepsiya va bitim loyihasi. Bunda tashkilotga a’zo davlatlar bilan integratsiyalashgan transport boshqaruv tizimini tashkil etish bo‘yicha muzokaralar olib borish, investitsiyaviy dastur loyihasini ishlab chiqish va moliyalashtirish manbalarini aniqlash, Shanxay hamkorlik tashkilotiga a’zo davlatlarning “Integratsiyalashgan transport boshqaruv tizimi” Konsepsiyasi va Bitimini ishlab chiqish va qabul qilish uchun tashkilotning navbatdagi yig‘ilishi kun tartibiga kiritish choralari nazarda tutiladi.
109.	Eksport qilinadigan asosiy yuklarni quyidagi hududlar orqali temir yo‘l transportida tranzit tashishda tarif preferensiyalarini olish choralarini ko‘rish: Turkmaniston va Eron hududlari orqali — Bandar-Abbos bandargohiga va keyinchalik Janubiy, Janubi-Sharqiy Osiyo va Osiyo-Tinch okeani mintaqasiga chiqish uchun; Ozarbayjon va Gruziya hududlari orqali — Qora dengizdagi Poti, Batumi va Ilichevsk bandargohlari, O‘rta Yer dengizidagi Mersin bandargohiga, keyinchalik Yaqin Sharq va Shimoliy Afrika davlatlariga, shuningdek, Marmaray dovoni orqali Yevropa Ittifoqi davlatlariga chiqish uchun; Qozog‘iston va Rossiya hududlari orqali — Boltiqbo‘yi va Qora dengiz hamda Uzoq Sharq bandargohlariga chiqish uchun.	2018-yil 1-aprel	“O‘zbekiston temir yo‘llari” AJ, Tashqi savdo vazirligi, TIV, Iqtisodiyot vazirligi, Moliya vazirligi, Loyiha boshqaruvi milliy agentligi	—	—	Chora-tadbirlar dasturi. Bunda: tegishli davlatlarning temir yo‘l ma’muriyatlariga murojaatlar yuborish; masalalarni ikki tomonlama muzokaralar va uchrashuvlar davomida ko‘rib chiqish yuzasidan amalga oshirilishi lozim bo‘lgan chora-tadbirlarni aniq belgilash; chet el davlatlaridagi O‘zbekiston Respublikasi elchixonalari vakillarini keng jalb qilish; loyihalarni amalga oshirish uchun moliyaviy manbalarni aniqlash, xorijiy davlatlar hamda xalqaro moliya institutlari mablag‘larini jalb qilish yuzasidan muzokaralar o‘tkazish nazarda tutiladi.
110.	Milliy yuk tashuvchilarni qo‘llab-quvvatlash, tadbirkorlik subyektlariga qo‘shimcha sharoitlar yaratish maqsadida “Milliy logistika portali”ni tashkil etish.	2018-yil 1-aprel	Tashqi savdo vazirligi, Axborot texnologiyalari va kommunikatsiyalarni rivojlantirish vazirligi, O‘zbekiston avtomobil va daryo transporti agentligi, “O‘zbekiston temir yo‘llari” AJ, Loyiha boshqaruvi milliy agentligi, Iqtisodiyot vazirligi	—	—	Normativ-huquqiy hujjatlar loyihasi. Loyihada tadbirkorlik subyektlari ushbu portal orqali dunyoning barcha nuqtalarida milliy yuk tashuvchilarning transportlari haqida ma’lumotlarni onlayn rejimida tezkor olishi va buyurtma berish imkoniyati yaratilishi, xalqaro logistika kompaniyalari bilan hamkorlikni yo‘lga qo‘yish orqali ushbu portal imkoniyatlarini kengaytirish nazarda tutiladi.
111.	Dunyoning 20 ta mamlakatida 50 dan ortiq xalqaro ko‘rgazma va yarmarkalarda mahalliy eksport qiluvchi korxonalarning ishtirok etishini tashkillashtirish.	2018-yil 1-aprel	Tashqi savdo vazirligi, Savdo-sanoat palatasi, TIV, Investitsiyalar bo‘yicha davlat qo‘mitasi	—	—	Normativ-huquqiy hujjat loyihasi. Loyiha bilan chora-tadbirlar rejasi tasdiqlanadi. Rejada: Vazirlar Mahkamasi tomonidan O‘zbekiston Respublikasidan vakillar ishtirok etishi lozim bo‘lgan xalqaro ko‘rgazma va yarmarkalar ro‘yxatini tasdiqlash; mahalliy eksport korxonalarining 2018-yilda ushbu xalqaro ko‘rgazma va yarmarkalarda ishtirok etishini tashkillashtirish; ko‘rgazma va yarmarkalar orqali milliy mahsulotlar uchun xorijiy xaridorlarni jalb qilish bo‘yicha aniq choralar nazarda tutiladi.
112.	Qurilish sohasini modernizatsiya qilish, sohani innovatsion va ilg‘or rivojlantirish strategiyasini ishlab chiqish.	2018-yil 30-iyun	“Davarxitektqurilish” qo‘mitasi, “Yergeodezkadastr” davlat qo‘mitasi, Iqtisodiyot vazirligi, Moliya vazirligi, Investitsiyalar bo‘yicha davlat qo‘mitasi, Loyiha boshqaruvi milliy agentligi, Bandlik va mehnat munosabatlari vazirligi, “O‘zqurilish-materiallari” AJ	—	—	O‘zbekiston Respublikasi Prezidenti qarori loyihasi. Qurilish sohasini innovatsion rivojlantirish dasturi tasdiqlanadi. Dasturda: innovatsion texnologiyalarni joriy etish; milliy loyiha va pudrat tashkilotlarining tashqi bozorlarga chiqishini rag‘batlantirish choralari; qurilish bozoriga kirishdagi byurokratik to‘siq va g‘ovlarni bartaraf etish; amaldagi normativ va texnik reglamentlarni, qurilish norma va talablarini jahon standartlari asosida qayta ko‘rib chiqish; malakali quruvchi va arxitektorlarning professional sinfini shakllantirish va bu orqali bir martalik ishchilarni jalb qilishga asoslangan noto‘g‘ri amaliyotga barham berish; tizimli asosda xorijdan malakali mutaxassislarni jalb qilish va mahalliy mutaxassislarning xorijda malaka oshirishi bo‘yicha shart-sharoitlarni yaratish; davlat xaridlari tizimini takomillashtirish jarayonida mahalliylashtirish loyihalari asosida qurilish materiallari ishlab chiqaruvchilarning manfaatini inobatga olish nazarda tutiladi.
113.	Internet tarmog‘ida mahalliy va xorijiy investorlarni zarur statistik axborotlar, biznesni yuritish uchun yaratilgan shart-sharoitlar bilan ta’minlaydigan “Investitsiya portali”ni ishga tushirish.	2018-yil 1-may	Investitsiyalar bo‘yicha davlat qo‘mitasi, Loyiha boshqaruvi milliy agentligi, Iqtisodiyot vazirligi, Moliya vazirligi, Axborot texnologiyalari va kommunikatsiyalarni rivojlantirish vazirligi	—	Xalqaro va xorijiy moliya institutlarining kreditlari, zayomlari, grantlari, homiylik mablag‘lari	Normativ-huquqiy hujjat loyihasi. Loyihada: O‘zbekiston Respublikasi Investitsiya portalini yaratish, ush�u portalni 2018-yilning 1-iyulidan boshlab ishga tushirish va doimiy ishlashini ta’minlash; mamlakatning investitsiya salohiyati, hududlardagi tabiiy qazilma boyliklar, yer-suv resurslari, tabiiy iqlim sharoitlari to‘g‘risida, taqdim etilayotgan imtiyozlar, investitsiya kiritish afzalliklari, infratuzilma, geografik joylashuv, shuningdek, davlat mulki obyektlari, investorlarga ko‘rsatilayotgan xizmatlar to‘g‘risida davlat tili, rus, ingliz va boshqa xorijiy tillarda kengaytirilgan axborotlar; mahalliy va xorijiy investorlarga interfaol shaklda davlat organlari hamda boshqa tashkilotlarning xizmatlari; tadbirkorlik subyektlari tomonidan ishlab chiqarilayotgan mahsulotlar hajmi va turlari haqidagi ma’lumotlarning yagona bazasini yaratish; investorning qayerda va qanday usulda murojaat qilganligidan qat’i nazar, murojaatlar ko‘rib chiqilishining amaldagi holati va natijasidan xabardor bo‘lib turish imkoniyatini ta’minlash nazarda tutiladi.
114.	Investorlarni qiziqtirgan savollarga javoblarni beruvchi doimiy ishlaydigan qo‘ng‘iroqlarni qabul qilish va xizmat ko‘rsatish mexanizmini yo‘lga qo‘yish.	2018-yil 20-may	Investitsiyalar bo‘yicha davlat qo‘mitasi, Adliya vazirligi, Iqtisodiyot vazirligi, Moliya vazirligi, Axborot texnologiyalari va kommunikatsiyalarni rivojlantirish vazirligi	—	—	Ijrochilarning tegishli qarori. Investorlar investitsiya loyihalarini amalga oshirishda yuzaga keladigan barcha muammoli masalalar yuzasidan dolzarb ma’lumotlarni olish imkoniyatiga ega bo‘ladi.
115.	Milliy aviatsiya sanoatini qayta tiklash hamda iqtisodiyotning yangi tarmog‘i sifatida aerokosmik sanoatni shakllantirish.	2018-yil 10-iyun	Vazirlar Mahkamasi, Loyiha boshqaruvi milliy agentligi, Innovatsion rivojlanish vazirligi, Iqtisodiyot vazirligi, Investitsiyalar bo‘yicha davlat qo‘mitasi, Moliya vazirligi, Fanlar akademiyasi, Oliy va o‘rta maxsus ta’lim vazirligi, vazirlik va idoralar	—	—	Normativ-huquqiy hujjat loyihasi. Loyiha bilan Davlat dasturi tasdiqlanadi. Dasturda: aerokosmik faoliyatni tartibga solish bo‘yicha mas’ul davlat organini belgilash; O‘zbekiston Respublikasining 2018 — 2035-yillarga mo‘ljallangan aerokosmik sanoatni tashkil etish va rivojlantirish bo‘yicha strategiyasini ishlab chiqish; sohaning moddiy va ilmiy bazasini shakllantirish, malakali kadrlar tayyorlash, ularni xorijiy ta’lim muassasalarida malakasini oshirish mexanizmlarini yaratish, xorijiy investitsiyalarni keng jalb qilish choralarini ko‘rish bo‘yicha tadbirlar nazarda tutiladi.