MADAM SPEAKER: L-Onor. George Pullicino.
ONOR. GEORGE PULLICINO: Kont nistenna li Prim Ministru, fl-era tal-moderniżmu, l-ewwelnett ikun informat li jiena ma kontx chairman tal-Kunsill Malti għax-Xjenza u Teknoloġija u t-tieni, jekk irid ikun jaf kemm-il siegħa kont naħdem jista' jistaqsi lil min kien responsabbli u mhux joqgħod iparla.
MADAM SPEAKER:Il-Prim Ministru.
ONOR. ALFRED SANT: Jiddispjaċini li ħadt żball fl-informazzjoni, fis-sens li għidt li huwa chairman u mhux general manager, imma madanakollu nista' nassigurah li jiena nformat tajjeb fuq kemm kien jaħdem, informat tajjeb bl-output li kien jagħti u nformat tajjeb ukoll fuq il-karozza li kien xtara .
