L-ordni għall-Kumitat ġie moqri FIL-KUMITAT L-Onor. Michael Bonnici, President tal-Kumitat, jippresjedi. THE CHAIRMAN:Skond il-Mozzjoni Nru 37 tal-15 ta' Jannar, 1997 il-ħin tad-diskussjoni tal-lum għandu jinqasam indaqs bejn kelliema tal-Gvern u kelliema ta' l-Oppożizzjoni, bl-aħħar nofs għall-Gvern. Il-Ministru.
ONOR. EDWIN S GRECH :Mr Chairman, nipproponi:
VOT 45 - MINISTERU TAL-ĦARSIEN SOĊJALI Illi s-somma ta' mhux iżjed minn Lm 3,107,000 li titħallas mill-Fond Konsolidat tiġi applikata taħt il-Vot 45 - Ministeru tal-Ħarsien Soċjali, kif dettaljata fl-Abbozz ta' l-Estimi Ġenerali ta' Nefqa għas-sena 1997.
VOT 46 - SIGURTA' SOĊJALI Illi s-somma ta' mhux iżjed minn Lm 51,020,000 li titħallas mill-Fond Konsolidat tiġi applikata taħt il-Vot 46 - Sigurta' Soċjali, kif dettaljata fl-Abbozz ta' l-Estimi Ġenerali ta' Nefqa għas-sena 1997.
VOT 48 - XOGĦOL Illi s-somma ta' mhux iżjed minn Lm 611,000 li titħallas mill-Fond Konsolidat tiġi applikata taħt il-Vot 48 - Xogħol, kif dettaljata fl-Abbozz ta' l-Estimi Ġenerali ta' Nefqa għas-sena 1997.
