ONOR. LINO SPITERI: L-Onorevoli Interpellant qed jitlob tagħrif li qabel qatt ma kien pubblikat xahar b'xahar iżda jkun inkluż fir-rapporti annwali relevanti.
KONFERENZA EURO-MEDITERRANEA 2477. L-ONOR. JOE BORG staqsa lill-Vici Prim Ministru, Ministru għall-Affarijiet Barranin u ta' l-Ambjent.: Jista' l-Viċi Prim Ministru jgħid jekk Malta eżaminatx id-"Draft Political and Security Charter" imħejji fi ħdan il-Konferenza Euro-Mediterranea u jekk Malta tatx diġa' l-ideat u l-pożizzjoni tagħha dwar dan iċ-"Charter" lill-Unjoni Ewropea? Jista' jqiegħed fuq il-Mejda tal-Kamra kopja tar-reazzjoni tal-Gvern għal dan id-dokument, jekk din diġa' ingħatat, jew jekk għada ma ngħatatx, jista' jqiegħed kopja fuq il-Mejda tal-Kamra ta' din ir-reazzjoni malli din tingħata?
