ONOR. GEORGE VELLA: Nikkonferma li Malta rċeviet u rrispondiet għat-tliett kwestjonarji msemmija fil-mistoqsija ta' l-Onorevoli Interpellant. Kopja tar-rispost hija annessa ma din ir-risposta.
VAT - KONSULENT/I BARRANIN FUQ IS-SISTEMA TAL-VAT
2497. L-ONOR. JOE CASSAR staqsa lill-Ministru ta' l-Ekonomija u l-Finanzi: B'riferenza għat-tweġiba mogħtija mill-Onor. Mizzi f'isem il-Ministru għall-mistoqsija parlamentari numru 1072, jista' l-Ministru jgħid kemm tħallset il-persuna li dwarha ta dettalji l-Onor. Mizzi?
ONOR. LINO SPITERI: Il-persuna msemmija għadha ma tħallset xejn. Nagħti d-dettal miktub meta jseħħ.
PITKALIJA - PRODOTT AGRIKOLU
2504. L-ONOR. NINU ZAMMIT staqsa lill-Ministru tal-Biedja u Sajd:
Jista' l-Ministru jgħid kemm kien il-valur ta' prodott agrikolu mibjugħ mill-Pitkalija fix-xhur (xahar b'xahar) f'Novembru u Diċembru 1996 u f'Jannar 1997? Kemm kienu l-istess valuri fl-istess xhur fil-ħames snin preċedenti sena b'sena wkoll?
