ONOR. ALFRED SANT: Din il-materja taqa' taħt il-Bord għall-Kontroll tat-Traffiku u għalhekk nitlob lill-Onor Interpellant jirriferi din il-mistoqsija lill-Ministru tat-Trasport u Portijiet.
GĦAJNUNA SOĊJALI
539. L-ONOR. SANDRO SCHEMBRI ADAMI staqsa lill-Ministru tal-Ħarsien Soċjali: Jista' l-Ministru jgħid x'possibiltajiet hemm li l-persuna bl-I.D. Card No. 260778(M) tibda tirċievi xi għajnuna talli qed iddur b'armla? Għaliex f'dan il-każ qed ikun hemm dan id-dewmien?
ONOR. EDWIN GRECH (Ministru tal-Ħarsien Soċjali): Ninforma lill-Onor. Interpellant li l-persuna li għaliha qed jirriferi kienet ġiet informata li m'hix intitolata għal dik l-għajnuna, liema deċiżjoni kienet ġiet ikkonfermata lill-Arbitru wara li l-każ kien reġa` tressaq quddiem medical panel.
DJAR - AKkOMODAZZJONI ALTERNATTIVA
576. L-ONOR. SANDRO SCHEMBRI ADAMI staqsa lill-Ministru tad-Djar: Jista' l-Ministru jgħid x'inhuma l-possibbiltajiet li l-persuna b'I.D. No. 478875(M) u b'file No. H 10510 tingħata akkomodazzjoni alternattiva?
