ONOR. ALFRED SANT: Madam Speaker, inqiegħed fuq il-Mejda tal-Kamra:
Kopja ta' l-Estimi ta' Dħul u Nfiq ta' l-Awtorita' tax-Xandir għas-sena li tagħlaq 31 ta' Diċembru 1997 u r-Rapport Finanzjarju għas-sena li għalqet fil-31 ta' Diċembru 1995; u
Informazzjoni dwar ittri u lmenti mibgħuta lill-Kummissjoni għall-Investigazzjoni ta' Inġustizzji għall-perjodu bejn l-1 ta’ Ottubru 1987 u l-15 ta’ Novembru 1995, bi tweġiba għall-mistoqsija parlamentari numru 2139.
MADAM SPEAKER:Grazzi. Il-Viċi Prim Ministru.
ONOR. GEORGE VELLA (Viċi Prim Ministru, Ministru għall-Affarijiet Barranin u ta' l-Ambjent): Madam Speaker, inqiegħed fuq il-Mejda tal-Kamra:
Kopja ta' tliet kwestjonarji; wieħed dwar id-drittijiet fundamentali tal-bniedem, wieħed dwar id-diżarm u l-ieħor dwar it-terroriżmu li l-Presidenza ta' l-Unjoni Ewropea bagħtet lill-pajjiżi li qed jipparteċipaw fil-Konferenza Ewro-Mediterranja, bi tweġiba għall-mistoqsija parlamentari numru 2496.
MADAM SPEAKER: Grazzi. Il-Ministru Lino Spiteri.
