Debates tal-kamra tad-deputati (Rapport Ufficjali u Rivedut)
Yüklə 497,64 Kb.
|
- Bu səhifədəki naviqasiya:
- AĠĠORNAMENT
- MISTOQSIJIET-IMWIEĠBA BIL-MIKTUB
| THE DEPUTY CHAIRMAN: Grazzi. Skada l-ħin tad-diskussjoni fil-Kumitat ta' Provvista. Il-mistoqsija hi l-emenda għal Vot 45 kif imressqa mill-Onor. Giovanna Debono. Dawk favur? (Onor. Membri: Aye) Dawk kontra? (Onor. Membri: No) Negatived.
ONOR. MEMBRU: Division. THE DEPUTY CHAIRMAN: Din id-Division tittieħed minn hawn u ħames minuti oħra. Billi ntalbet votazzjoni fid-9.30 p.m. il-Kumitat ġie sospiż u rriżuma fid-9.35 p.m. THE DEPUTY CHAIRMAN: Il-mistoqsija hi l-emenda għal Vot 45 inressqa mill-Onor. Giovanna Debono.. Dawk favur? (Onor. Membri: Aye) Dawk kontra? (Onor. Membri: No) Negatived. ONOR. MEMBRU: Division. THE DEPUTY CHAIRMAN: Division. VOTAZZJONI NRU. 11 FAVUR : 34 L-Onor
KONTRA : 35 L-Onor
L-Emenda m'għaddietx. THE DEPUTY CHAIRMAN: Issa se ngħaddi biex inqiegħed il-mistoqsija fuq il-Vot tal-Ministeru tal-Ħarsien Soċjali. Ir-riżoluzzjoni li s-somma ta' mhux iżjed minn Lm3,107,000 li titħallas mill-Fond Konsolidat tiġi applikata taħt il-Vot 45 - Ministeru tal-Ħarsien Soċjali THE DEPUTY CHAIRMAN: Se npoġġi l-mistoqsija fuq il-Vot tal-Ministeru tal-Ħarsien Soċjali. VOT 45 - MINISTERU TAL-ĦARSIEN SOĊJALI Illi s-somma ta' mhux iżjed minn Lm 3,107,000 li titħallas mill-Fond Konsolidat tiġi applikata taħt il-Vot 45 - Ministeru tal-Ħarsien Soċjali, kif dettaljata fl- Abbozz ta' l-Estimi Ġenerali ta' Nefqa għas-sena 1997. Dawk favur? (Onor. Membri: Aye) Dawk kontra? (Onor. Membri: No) Carried Ir-riżoluzzjoni taħt il-Vot 45 għaddiet. THE DEPUTY CHAIRMAN VOT 46 - SIGURTA' SOĊJALI Illi s-somma ta' mhux iżjed minn Lm 51,020,000 li titħallas mill-Fond Konsolidat tiġi applikata taħt il-Vot 46 - Sigurta' Soċjali, kif dettaljata fl- Abbozz ta' l-Estimi Ġenerali ta' Nefqa għas-sena 1997. .
Ir-riżoluzzjoni taħt Vot 46 għaddiet. THE DEPUTY CHAIRMAN VOT 48 - XOGĦOL Illi s-somma ta' mhux iżjed minn Lm 611,000 li titħallas mill-Fond Konsolidat tiġi applikata taħt il-Vot 48 - Xogħol, kif dettaljata fl-Abbozz ta' l-Estimi Ġenerali ta' Nefqa għas-sena 1997. Dawk favur? (Onor. Membri: Aye) Dawk kontra? (Onor. Membri: No) Carried. Ir-riżoluzzjoni taħt Vot 48 għaddiet. THE DEPUTY CHAIRMAN VOT XII - MINISTERU TAL-ĦARSIEN SOĊJALI Illi s-somma ta' mhux iżjed minn Lm 726,000 li titħallas mill-Fond Konsolidat tiġi applikata taħt il-Vot XII - Ministeru tal-Ħarsien Soċjali, kif dettaljata fl-Abbozz ta' l-Estimi Ġenerali ta' Nefqa għas-sena 1997. Dawk favur? (Onor. Membri: Aye) Dawk kontra? (Onor. Membri: No) Carried. Ir-riżoluzzjoni taħt X11 għaddiet. MADAM SPEAKER: Sar il-ħin. Il-Viċi Prim Ministru jressaq l-Aġġornament. AĠĠORNAMENTONOR. GEORGE VELLA: Madam Speaker, nipproponi l-Aġġornament tal-Kamra għal nhar it-Tlieta, 4 ta' Frar, 1997 fis-6.00 p.m. b'din l-agenda: Ordnijiet tal-Ġurnata Kumitat ta' Provvista - Estimi Ġenerali 1997 Is-Sitt Jum Stabbilit Voti tal-Ministeru għat-Trasport u Portijiet MADAM SPEAKER: Skond il-mozzjoni 37 tal-15 ta' Jannar 1997 il-Kamra hija aġġornata għal nhar it-Tlieta 4 ta' Frar, 1997 fis-6.00 p.m. bl-agenda kif komunika mill-Viċi Prim Ministru. Fid-9.39 p.m. il-Kamra aġġornat mingħajr ma saret il-mistoqsija skond il-Mozzjoni Nru 37 tal-15 ta' Jannar 1997. MISTOQSIJIET-IMWIEĠBA BIL-MIKTUBIMPJIEGI - ĊIFRI TAL-QGĦAD 2201. L-ONOR. AUSTIN GATT staqsa lill-Ministru ta' l-Ekonomija u l-Finanzi: Peress li l-Ministru għall-Ħarsien Soċjali b'risposta għall-mistoqsija parlamentari numru 795 qal li ċ-ċifri tal-qgħad ilhom li ntbgħatu mill-ETC lid-Dipartiment ta' l-Istatistika, jista' l-Ministru jgħid għaliex għadhom ma ġewx pubblikati? ONOR. LINO SPITERI: L-Ufficju Ċentrali ta` l-Istatistika qatt ma ppublika ċ-ċifra tal-qgħad waħeda. Kif jaf min isegwi l-mod kif kienet u għadha taħroġ l-Istatistika Uffiċjali, iċ-ċifra tkun pubblikata flimkien ma ċifri fuq il-~labour supply~u l-impjiegi fid-diversi setturi. Għalkemm in-numru ta` nies qiegħda hu magħruf mill-Uffiċju ta` l-Istatistika, l-istatistika dwar l-impjiegi għadha mhix magħrufa. Kif l-istatistika tkun magħrufa fil-forma tiġi ppublikatha. Kif forsi nnota l-Onor Interpellant, l-Uffiċju tal-Istatistika, bl-inizjattiva tiegħu stess, qed joħroġ iċ-ċifri li jkollu bla dewmien. DJAR - POSTIJIET "DE-REQUISITIONED" 2202. L-ONOR. AUSTIN GATT staqsa lill-Ministru tad-Djar: B'riferenza għall-mistoqsija parlamentari numru 800 u peress li l-Ministru qal li matul din is-sena hu maħsub li l-eżerċizzju ta' "derequisitioning" se jkompli f'żewġt ibliet oħra, jista' l-Ministru jgħid liema huma l-bliet u kemm jinvolvu djar jew stabbilimenti f'kull belt? ONOR. FREDDIE PORTELLI: Id-Dipartiment qed jippjana illi l-eżerċizzju msemmi jsir wara eżerċizzju aktar urġenti li jinvolvi spezzjonijiet dwar l-applikazzjonijiet għal akkomodazzjoni alternattiva. Wara jiġi deċiż f'liema bliet jew irħula jitkompla l-eżerċizzju msemmi matul l-1997. PITKALIJA - XOGĦOL TA' TINDIF 2252. L-ONOR. ĊENSU GALEA staqsa lill-Ministru għax-Xogħlijiet Pubbliċi u Kostruzzjoni: Jista' l-Ministru jgħid x'tip ta' xogħol qed jagħmel id-Dipartiment ta' l-Indafa Pubblika fil-Pitkalija? Kemm hu n-numru ta' ħaddiema tad-dipartiment konċernat li qed jagħmlu xogħol fil-Pitkalija? X'tip ta' inġenji hemm jaħdmu fil-Pitkalija fil-preżent biex isir it-tindif? Kemm hu n-numru ta' "skips" ipprovduti mid-dipartiment għat-tindif ta' dan il-post? L-inġenji li qed jaħdmu fil-Pitkalija huma tal-Gvern jew huma mikrija mingħand il-privat? Kemm hu l-ħlas li d-Dipartiment ta' l-Agrikoltura se jagħmel lid-Dipartiment ta' l-Indafa Pubblika għal dan ix-xogħol? Minn fejn tneħħew il-ħaddiema li llum qed jaħdmu fil-Pitkalija u minn ħa jew se jieħu posthom fil-post fejn kienu? ONOR. CHARLES BUHAGIAR: Fil-Pitkalija qiegħed isir xogħol ta' tindif minn erba' kenniesa u supervisor tat-Taqsima Ndafa Pubblika. L-inġenji użati huma tal-Gvern u jikkonsistu fi: RCV
Mechanical sweeper Street Washer In-numru ta' skips użati huma 6. Il-ħlas għal dan ix-xogħol huwa ta' LM 500 fil-gimgħa. Il-ħaddiema li qed jaħdmu l-Pitkalija kienu ħaddiema żejda skond il-kuntratti li ġew iffirmati mall-Kunsill Lokali. B'sodisfazzjoni ngħid li l-Pitkalija qatt ma kienet nadifa daqs kemm hi llum. DISTRETT NRU. 12 - XOGĦOL TA' DWAL PUBBLIĊI 2253. L-ONOR. ĊENSU GALEA staqsa lill-Ministru tal-Kummerċ: Billi waqt il-laqgħa li nżammet fis-16 ta' Jannar, 1997 f'lukanda f'Buġibba intqal li l-Korporazzjoni Enemalta se tieħu sehem fit-tibdil u twaħħil ta' dawl pubbliku ġdid, jista' l-Ministru jekk jogħġbu jgħid kemm hu mistenni li jeħlu dwal pubbliċi ġodda f'dawn l-inħawi ta' Buġibba, l-Qawra u San Pawl il-Baħar? Kemm dwal pubbliċi minn dawk li hemm illum se jinbidlu? Kemm se jiġi jiswa dan ix-xogħol? Minn liema vot se jitħallas? ONOR. LEO BRINCAT: Sehem l-EneMalta dwar il-proġett ta` Buġibba qed ikun diskuss mal-Ministeri tat-Turiżmu u dak tax-xogħol u kostruzzjoni. WSC - KONSUM TA' ILMA 2256. L-ONOR. ĊENSU GALEA staqsa lill-Ministru għax-Xogħlijiet Pubbliċi u Kostruzzjoni: Jista' l-Ministru jagħti tagħrif dwar x'inhu bħalissa l-livell tal-konsum ta' l-ilma? Minn liema sorsi qed jiġi l-ilma kkunsmat lokalment? Kemm hu n-numru ta' "reverse osmosis plants" bħalissa? Liema minnhom qed jaħdmu fil-preżent? Kemm-il "train" ta' produzzjoni hemm bħalissa f'kull każ? X'tip ta' testijiet isiru fuq l-ilma li qed jiġi kkunsmat? Kull kemm isiru? X'inhuma r-riżultati li qed jinkisbu? ONOR. CHARLES BUHAGIAR: Tweġiba tingħata f'xi seduta oħra UNIVERSITA' - STUDENTI 2257. L-ONOR. ĊENSU GALEA staqsa lill-Ministru ta' l-Edukazzjoni u Kultura Nazzjonali: Jista' l-Ministru jagħti tagħrif dwar kemm kien in-numru ta' studenti li kienu qed jattendu l-Universita', sena b'sena mill-1984 'il hawn? Liema kienu l-korsijiet ġodda li nfetħu f'dawn l-aħħar ħames snin fl-Universita'? Hemm xi korsijiet ġodda li mistennija jinfetħu mis-sena skolastika li jmiss? Jekk iva, liema huma dawn il-korsijiet? Jista' jekk jogħbġbu l-Ministru jagħti tagħrif dwar minn liema lokalita' huma l-istudenti li bħalissa qed jattendu xi kors fl-Universita'? ONOR. EVARIST BARTOLO: Preżentement l-Universita' qed tistudja l-possibilta' li jkun offrut kors fil-'Clinical Psychology', 'Counselling Psychology' u 'Educational Psychology' fil-livell Masters. Ir-regolamenti għal dan il-kors diġa' kienu approvati mis-Senat u qed isiru diskussjonijiet mad-Dipartiment tas-Saħħa u d-Dipartiment ta' l-Edukazzjoni qabel isir rakkomandazzjoni lill-Kunsill biex jinfetaħ dan il-kors. L-informazzjoni l-oħra mitluba qiegħda titpoġġa fuq il-Mejda tal-Kamra għall-qari. SAĦĦA - GĦOTI TA' MEDIĊINI B'XEJN 2258. L-ONOR. ĊENSU GALEA staqsa lill-Ministru tas-Saħħa, Kura ta' l-Anzjani u Affarijiet tal-Familja: Jista' l-Ministru jgħid kemm hu n-numru ta' Maltin u Għawdxin li huma ntitolati li jieħdu mediċini b'xejn f'kull belt u raħal ta' Malta u Għawdex? ONOR. MICHAEL FARRUGIA: Pazjenti li jkunu għall-kura fi Sptar tal-Gvern jingħataw mediċini b`xejn. Dawn il-pazjenti jingħataw ukoll mediċini għat-tlett ijiem wara li joħroġ mill-isptar. In-numru ta` pazjent li jieħdu l-mediċini b` xejn taħt is-Schedule V (kartuna Safra) huma 30173. Ma tinżammx statistika jew informazzjoni rigward in-numru ta` pazjenti f`kull belt u raħal ta` Malta u Għawdex. In-numru ta` pazjent li huma intitolati għall-mediċina b`xejn (kartuna Rosa) jista jkunu magħrufa mill- Ministeru tas-Servizzi Soċjali. DJAR - TAL-GVERN - TISWIJIET 2259. L-ONOR. ĊENSU GALEA staqsa lill-Ministru tad-Djar: Jista' l-Ministru jagħti tagħrif dwar jekk kienx hemm persuni b'talbiet li jkollhom xi tiswijiet fil-bini tal-Gvern fejn huma joqogħdu minn mindu daħlet fis-seħħ il-"policy" dwar tiswijiet ta' bini mill-1992 'l hawn, sena b'sena? Kemm minn dawn it-talbiet intlaqtu? F'kemm minnhom ix-xogħol meħtieġ diġa' sar? Mil-liema lokalitajiet, sena b'sena waslu dawn it-talbiet? ONOR. FREDDIE PORTELLI: Lista li turi informazzjoni mitluba qed titqiegħed fuq il-mejda tal-Kamra. L-ewwel lista tindika t-talbiet kollha lokalita', lokalita' b'indikazzjoni ta' kemm ġew approvati u rifjutati talbiet għal tiswijiet mill-1992 sal-lum. It-tieni lista tindika kemm minn dawn it-talbiet fil-fatt mhux talli ġew approvati talli tlesta x-xogħol approvat. Minn dawn il-listi johroġ li kemm ilu li twaqqaf id-Dipartiment tal-Bini u Tiswija ta' Djar fl-1992, saru 10,881 talbiet għal tiswijiet li minnhom ġew approvati 9,458 u rifjutati 1,423. Mix-xogħol approvat tlestew 7,010 waqt li għad hemm pendenti għal spezzjoni jew bla deċiżjoni 176, jiġifieri fil-fatt bejn li tlestew jew ġew rifjutati, sal-lum inqatgħu 78% tat-talbiet. MOSTA - TRIQ TA' XKORA - DRENAĠĠ 2433. L-ONOR. EDWIN VASSALLO staqsa lill-Ministru għax-Xogħlijiet Pubbliċi u Kostruzzjoni: Jista' l-Ministru jpoġġi fuq il-Mejda tal-Kamra l-pjanti ta' xogħol ta' l-għoti ta' servizz ġdid ta' drenaġġ li se jsir fi Triq Ta' Xkora, Mosta li huwa ndikat f'tender no. WD 1977/90/3? Dan qiegħed jintalab biex ir-residenti jkunu jafu minn fejn se jsir ix-xogħol peress li għad hemm ix-xogħol ta' bini għaddej. ONOR. CHARLES BUHAGIAR: Il-pjanti kif mitluba mill-Onor. Interpellant f'domanda 2433 qegħdin jitpoġġew fuq il-Mejda tal-Kamra. PIXXINA NAZZJONALI - "STAND" 2462. L-ONOR. VICTOR GALEA PACE staqsa lill-Ministru ta' l-Edukazzjoni u Kultura Nazzjonali: Jista' l-Ministru jgħid meta hemm il-ħsieb li jitkompla l-istand fil-Pixxina Nazzjonali? Jekk iva, hux possibbli illi ssir tinda minħabba li x-xemx tiġi diretta fuq dik in-naħa? ONOR. EVARIST BARTOLO: Nirreferi l-Onorevoli Interpellant għat-tweġiba mogħtija fil-mistoqsija parlamentari nru. 2379. ENEMALTA - LAMPI TAT-TOROQ 2463. L-ONOR. VICTOR GALEA PACE staqsa lill-Ministru tal-Kummerċ: Jista' l-Ministru jgħid jekk il-Korporazzjoni Enemalta, mill-20 ta' Ottubru 1996 importatx lampi tat-toroq? Jekk iva, kemm ġew importati u kienx biżżejjed biex ifornu lil Malta u lil Għawdex? ONOR. LEO BRINCAT: Mill-20 ta` Ottubru, 1996, għadhom ma ġewx importati lampi tat-toroq. Minn dak iż-żmien `l hawn s`issa ħarġu żewġ ordnijiet, iżda l-lampi għadhom ma waslux. M`hawn l-ebda nuqqas ta` lampi tat-toroq fil-preżent. Bħalissa l-EneMalta m`għandhiex lanterni `in stock`, iżda diġa` saret ordni għalihom. MERKANZIJA - SUSSIDJU FUQ IL-ĠARR 2464. L-ONOR. VICTOR GALEA PACE staqsa lill-Ministru tal-Kummerċ: Jista' l-Ministru jgħid jekk hemmx sussidju fuq il-ġarr ta' merkanzija ta' neċessitajiet lejn Għawdex? Jekk fl-affermattiv, jista' l-Ministru jgħid liema huma dawn l-oġġetti u bin-nollijiet il-ġodda, jiġux affettwati il-prezzijiet? ONOR. LEO BRINCAT: Nitlob lill-Onor. Interpellant biex jagħmel il-mistoqsija tiegħu lill-Ministru kkonċernat. IMPJIEGI 2465. L-ONOR. HELEN D'AMATO staqsiet lill-Ministru tal-Ħarsien Soċjali: Jista' l-Ministru jgħid kemm kien hemm nisa u rġiel jaħdmu fuq bażi "part-time" għas-snin 1992, 1993, 1994, 1995 u 1996? Kemm minn dawn in-nisa u rġiel diġa' kellhom ukoll impjieg "fulltime"? Kemm kien hemm nisa miżżewġin u nisa mhux miżżewġin li kellhom impjieg "part-time" bħala impjieg ewlieni? ONOR. EDWIN GRECH: In-numru ta` nisa u rġiel li jaħdmu fuq bażi `Part time`, `Part timers` li għandhom `full time job`, u `Part time` bħala impjieg ewlieni huwa kif ġej:- Dicembru Settembru Impjegati Part-time
Part-timers li għandhom full time job
Yüklə 497,64 Kb. Dostları ilə paylaş:
|