2467. L-ONOR. HELEN D'AMATO staqsiet lill-Ministru ta' l-Edukazzjoni u Kultura Nazzjonali: Jista' l-Ministru jindika jekk il-prattika li kien hemm sa l-aħħar sessjoni li saru l-eżamijiet tal-Matsec (i.e. li tfal b'ġenitur wieħed jiġu eżentati mill-ħlas ta' dawn l-istess eżamijiet) hijiex se tibqa' tiġi esegwita fl-eżamijiet mil-lum 'il quddiem?
ONOR. EVARIST BARTOLO: Il-MATSEC bord hu tal-fehma li fil-waqt li jeżistu tfal li ġejjin minn familja b'żewġ ġenituri lijsibuha diffiċli biex iħallsu l-ħlasijiet dovuti għall-eżamijiet, mhux bil-fors li l-istess jgħodd dejjem għat-tfal b'ġenitur wieħed. Għalhekk il-MATSEC aktar jieħu l-linja li jeżenta mill-ħlas lil dawk it-tfal li ġejjin minn familji (kemm jekk b'ġenitur wieħed jew tnejn) li għandhom diffikultajiet finanzjarji serji.
