ONOR. JOE CASSAR: Jista' l-Prim Ministru jgħid jekk għandux, miegħu jew ma' xi dipartiment ieħor, xi konsulent dwar il-Korp tal-Pulizija?
MADAM SPEAKER: Il-Prim Ministru.
ONOR. ALFRED SANT: Li nista' ngħid lill-Onor. Interpellant huwa li, kif forsi jaf, għandna rapport ta' miżuri għal riforma ta' dak li għandu x'jaqsam mal-Korp tal-Pulizija, liema rapport ġie ppreparat mill-konsulenti tal-Management Systems Unit, is-Sur Spiteri Gingell u s-Sur Silver. Bħalissa għandna għaddej proċess ta' konsultazzjonijiet fuq dan ir-rapport. Dawn il-konsulenti għadhom jaħdmu magħna fuq il-formulazzjoni ta' pariri u mbagħad nixtiequhom ikomplu jaħdmu magħna fuq il-proċess ta' implimentazzjoni.
