ONOR. EVARIST BARTOLO: Nixtieq ninforma lill-Onorevoli Nterpellant li:-
1. Il-Jum Nazzjonali taż-Żgħażagħ 1997 se jkun imfakkar b'mod xieraq f'Marzu li ġej.
2. L-iskema żgħażagħ għall-Intrapriża se tkun riveduta biex tkun tista' titħaddem aħjar. Jirriżultali li s-sena li għaddiet fil-fatt, l-ebda żgħażagħ ma' bbenefikaw minn din l-iskema.
3. Il-"Youth Specialisation Studies Scheme" għadha qed tiffunzjona u aktar żgħażagħ mistennija jibbenefikaw minnha fil-futur.
4. Dak li kien jissejjaħ "Premju Żgħażagħ għall-Komunita'" issa ngħata xejra aktar mifruxa bl-isem "Għarfien Nazzjonali - Żgħażagħ fis-Soċjeta'".
Dan il-premju se jitħabbar fi Frar.
Dwar il-parti tal-mistoqsija li tirrigwarda "Youth on the Move", nitlob lill-Onorevoli Nterpellant ikun aktar speċifiku għal liema attivita' qiegħed jirreferi.
