2515. L-ONOR. CHRIS CARDONA staqsa lill-Ministru għax-Xogħlijiet Pubbliċi u Kostruzzjoni: B'riferenza għall-mistoqsija parlamentari tiegħi numru 2241 li saret lill-Ministru ta' l-Edukazzjoni u Kultura Nazzjonali u li issa ġiet riferuta lilek, tista' jekk jogħġbok tgħid kif kien qiegħed jiġi ppjanat li jiġi "phased" il-proġett taċ-Ċentru Nazzjonali ta' l-Arti fil-Belt? Jista' l-Ministru jgħid min hu l-perit inkarigat mix-xogħol? Jista' jgħid ukoll min huma l-konsulenti kollha nvoluti f'dan il-proġett u xi tħallsu mill-1 ta' Jannar, 1995 sa l-aħħar ta' l-1996? Jista' l-Ministru jgħid kif intgħażlu? Jista' l-Ministru jgħid x'offerti pubbliċi ħarġu biex isiru xogħlijiet diversi u x'xogħlijiet oħra saru minn nies impjegati tal-Gvern? Jista' l-Ministru jgħid f'kull każ, xi tħallas għal kull offerta pubblika li ħarġet u x'kienet l-istima ta' kull offerta? X'inhuma l-pjanijiet għal dan iċ-ċentru?
