ONOR. FREDDIE PORTELLI: Kif aktarx jaf l-Onorevoli Interpellant, bħalissa id-Dipartiment tal-Bini u Tiswija ta' Djar qed jistenna għall-permess tat-twaqqiegħ tal-bini fi Triq l-Argotti. Fi Triq il-Kapuċċini għad iridu jsiru l-pjanti u teżisti problema billi ħafna mir-residenti aktarx li huma "squaters". Fil-proġett ta' Triq l-Argotti hemm madwar għaxar "households" affettwati, ħafna minnhom ta'persuna waħda. Id-Dipartiment għall-Akkomodazzjoni Soċjali ftit li xejn għandu postijiet x'joffri l-Furjana iżda jekk u meta jitbattal xi post, sakemm ma jkunx hemm xi każ aktar urġenti, għandu jirriservah għal dawn l-"evictees". Rigward l-aħħar parti tal-mistoqsija, ma jkunx għaqli li wieħed jikkommetti ruħu pubblikament dwar din il-kwistjoni billi kull raħal u kull każ irid jiġi trattat fuq il-merti tiegħu.
