ONOR. ALFRED PORTELLI: Jien informat illi l-fond fejn toqgħod il-persuna li dwarha qed issir il-mistoqsija ġie spezzjonat fis-26 ta’ Jannar 1998.
DJAR - FIDI TA' ĊENS
W1,381. L-ONOR. SANDRO SCHEMRBI ADAMI staqsa lill-Ministru tad-Djar u Kunsilli Lokali: Jista' l-Ministru jgħid x'inhi r-raġuni li persuni bħal dik, li d-dettalji tagħha qed jintbagħtu separtament, ma jisgħux jifdu ċ-ċens ta' fondi li mill-Knisja għaddew lill-Joint Office? Min hu responsabbli biex issir xi forma ta' policy ħalli dawn il-fidjiet ikunu jistgħu isiru u jirrendu flus lill-istess dipartiment?
