ONOR. GEORGE VELLA: Filwaqt li napprezza x-xewqa ta' l-Onor. Interpellant biex ikun hemm aktar spazju ta' ftuħ f'din iż-zona, din l-art kienet ilha ndikata għal żvilupp sa mill-1988. Ir-rifjut li nħareġ fil-21 ta' Jannar 1997 kien jindika r-raġuni għaliex l-iżvilupp propost ma setax jingħata u cioe' illi reviżjoni ta' l-iskemi ta' żvilupp b'dan il-mod setgħu isiru biss permezz ta' pjan lokali.
L-ittra tad-dipartiment ta' l-artijiet ma daħlet fl-ebda konsiderazzjoni ta' l-iskemi ta' żvilupp in vigore, iżda li bħala dipartiment ma kienx isib oġġezzjoni.
