ONOR. ALFRED SANT: Il-kuntratt ta' konsulenza ta' Dr Michael Vella Haber fil-fatt ġie konkluż u d-data effettiva ta' dan il-kuntratt hija l-24 ta' Frar 1997. Kopja ta' dan il-kuntratt tpoġġiet fuq il-Mejda tal-Kamra aktar kmieni f'din is-seduta.
PBS - IMPJEGAT
4455. L-ONOR. AUSTIN GATT staqsa lill-Prim Ministru: Jista' l-Prim Ministru jikkonferma li l-persuna li isimha qed jintbagħat separatament reġgħet bdiet taħdem mal-PBS wara li xhur ilu kienet tkeċċiet mill-Bord tal-PBS? Jekk iva, jista' l-Prim Ministru jgħid x'kariga għandu, meta daħal lura, min ħa d-deċiżjoni li jerġa' jidħol u għaliex kien tkeċċa minn mal-PBS?
