Debates tal-kamra tad-deputati

SLIEMA - TRIQ IL-KBIRA - CAR PARK

712. L-ONOR. GEORGE PULLICINO staqsa lill-Vici Prim Ministru, Ministru għall-Affarijiet Barranin u ta' l-Ambjent u Kap tal-Kamra tad-Deputati: Jaf il-Viċi Prim Ministru li f'ittra datata 6.6.96, wara li kien sar aċċess fis-sit tal-car park fi Triq il-Kbira, f'Tas-Sliema mill-enforcement officer ta' l-Awtorita' ta' l-Ippjanar aktar kmieni f'Mejju 1996, l-avukat ta' l-Awtorita' ta' l-Ippjanar kien ammetta li l-bini tal-car park "mhux eżattament in konformita' mal-pjani għar-rigward ta' bitħa ta' wara u issa ntbagħtet ittra lill-perit ta' l-applikant biex nispjegawlu l-qisien mhux konformi mal-pjanti biex ikun jista' jirregolarizza ruħu? Jista' l-Ministru jgħid x'sar minn dakinhar sabiex il-bini jiġi konformi "mal-pjanti" u l-bitħa tkun skond il-qisien stipulati fil-pjanti?
ONOR. GEORGE VELLA: B`referenza għall-Mistoqsija Parlamentari Nru 712 mill-Onorevoli G Pullicino, nixtieq ninforma lill-Onorevoli interpellant li f`Mejju 1996 inħareġ Avviż ta` Twettiq kontra l-iżviluppaturi tal-parkeġġ f` Ta` Sliema għaliex il-bitħa ta` wara ma kinitx konformi mall-permess maħruġ mill-Awtorita` ta` l-Ippjanar.
Skond parir tekniku mis-Sanitary Engineering Officer għalkemm il-ksur seta` jkun sanzjonabbli, mis-sular terran l-isfel l-istess ksur mis-sular terran il-fuq kellu jiġi regolariżżat.
L-iżviluppaturi tal-parkeġġ f` Ta` Sliema ottemporaw ruħhom ma` dawn il-kundizzjonijiet, neħħew ħajt fis-sular terran u l-qisien saru korretti, ħlief għas-sulari t`isfel li jiġu taħt il-livell ta` triq li fil-fatt huma sanzjonabbli.


SLIEMA - TRIQ IL-KBIRA - CAR PARK

713. L-ONOR. GEORGE PULLICINO staqsiet lill-Prim Ministru: Jista' l-Prim Ministru jgħid jekk inħarġitx liċenzja mill-Pulizija li tawtorizza it-tħaddim tal-car park ta' Triq il-Kbira f'Tas-Sliema? Jekk ir-risposta hija fl-affermattiv, jista' jgħid:- (i) minn meta ħarġet din il-liċenzja; (ii) jekk kienx hemm kondizzjonijiet rigward il-ħinijiet li fihom jopera; u (iii) jekk kienx hemm kondizzjonijiet oħra fil-liċenzja tal-Pulizija?
ONOR. ALFRED SANT: Hemm applikazzjoni pendenti għall-ħruġ ta' liċenza mill-Pulizija għat-tħaddim ta' dan il-car park.


PALAZZ TA' BIGHI

714. L-ONOR. GEORGE PULLICINO staqsa lill-Ministru ta' l-Edukazzjoni u Kultura Nazzjonali: Jista' l-Ministru jgħid jekk għadux il-ħsieb tal-gvern preċedenti li:- (1) il-Palazz ta' Bighi jservi ta' ċentru amministrattiv għall-Kunsill Malti għax-Xjenza u Tekonoloġija; u (2) il-bini fuq ix-xellug tal-Palazz ta' Bighi jibqax fih iċ-Ċentru Interattiv tax-Xjenza u Teknoloġija?
ONOR. EVARIST BARTOLO: Fil-preżent il-Gvern qed jistudja l-aħjar użu għall-bini tal-Palazz ta Bighi.


PROĠETT TA' SPTAR ĠDID TAL-GVERN - PERIT PIJU BUSUTTIL

715. L-ONOR. GEORGE PULLICINO staqsa lill-Ministru tas-Saħħa, Kura ta' l-Anzjani u Affarijiet tal-Familja: Jista' l-Ministru jgħid kemm kien il-kont għas-servizzi professjonali li l-Perit Piju Busuttil ta għar-rigward tar-rapport ikkummissjonat mill-Ministeru tiegħek dwar "Il-Proġett ta' Sptar Ġdid tal-Gvern - Tal-Qroqq"?
ONOR. MICHAEL FARRUGIA: Il-kont għadu ma ġiex preżentat.

EURO-MEDITERRANEAN CONFERENCE ON LOCAL WATER MANAGEMENT

716. L-ONOR. GEORGE PULLICINO staqsa lill-Ministru għax-Xogħlijiet Pubbliċi u Kostruzzjoni: Jista' l-Ministru jpoġġi fuq il-Mejda tal-Kamra kopja tad-diskors li huwa għamel fil-Euro-Mediterranean Conference on Local Water Management li saret dan l-aħħar f'Marsilja, Franza? Minn min kienet iffurmata d-delegazzjoni għal din il-konferenza?
ONOR. CHARLES BUHAGIAR: Kopja tad-diskors li sar waqt l-"Euro-Mediterranean Conference on Local Water Management" li saret dan l-aħħar f'Marsilja - Franza, se titpoġġa fuq il-mejda tal-kamra.
Id-Delegazzjoni kienet tikkonsisti mill-Onor. Ministru Charles Buhaġiar, is-Sur Dennis Azzopardi (Assistent to Private Secretary) minn naħa tal-Gvern u mill-Inġinier Antonio Riolo, Chief Executive u Dr John Mangion, Branch Head (Production) mill-Korporazzjoni tas-Servizzi ta' l-Ilma.

PTA - BDIL TA' "BUS SHELTERS"

727. L-ONOR. ĊENSU GALEA staqsa lill-Ministru għat-Trasport u Portijiet: Jista' l-Ministru jekk jogħġbu jgħid jekk itteħditx xi deċiżjoni dwar il-bdil tal-"bus shelters" li għandna f'Malta? Jekk iva, meta mistenni li jibdew jinbidlu dawn il-"bus shelters"? Kemm għandna "bus shelters" f'Malta u meta mistennija jinbidlu kollha? Jekk għad m'hemmx deċiżjoni simili, jista' l-Ministru almenu jara li jiġi assigurat li ċerti "bus shelters" jiġu mdawwla? B'mod partikolari jistgħu jittieħdu l-passi neċessarji biex il-"bus shelters" ta' ħdejn iċ-ċimiterju ta' San Pawl u dak tad-daħla ta' Buġibba, jiddawwlu?
ONOR. JOE DEBONO GRECH: Jiena nfurmat li s'issa għada ma ttieħdet l-ebda deċiżjoni dwar tibdil ġenerali ta' bus shelters.

F'Malta għandna 276 bus shelter, u, skond il-ħtieġa, dawk li jkollhom bżonn issirilhom il-manutenzjoni meħtieġa jew inkellha jekk ikunu fi stat ħażin, jinbidlu.

Ser ngħaddi t-talba ta' l-Onorevoli Interpellant lill-Awtorita' dwar it-Trasport Pubbliku.


BIDNIJA - TRASPORT PUBBLIKU

728. L-ONOR. ĊENSU GALEA staqsa lill-Ministru għat-Trasport u Portijiet: Jista' l-Ministru jieħu l-passi neċessarji biex in-nies tal-Bidnija jkollhom xi tip ta' trasport pubbliku matul is-sena kollha biex jiġi assigurat li dawn il-persuni ma jkollhomx għalfejn jimxu xi tlett kilometri qabel jaslu fuq "bus stop"?
ONOR. JOE DEBONO GRECH: Jiena nfurmat li filwaqt li t-triq li tagħti għal-Bidnija hija waħda tajba, fil-lokalita m'hemmx wesgħa biżżejjed fejn karozza tal-linja tkun tista ddawwar, aktar u aktar meta l-karozza tal-linja tkun mgħobbija bil-passiġġieri.


ĦUT - QBID TA' ĦUT

753. L-ONOR. NINU ZAMMIT staqsa lill-Ministru tal-Biedja u Sajd: Jista' l-Ministru jgħid sena b'sena bejn l-1981 u l-1996:- (1) Kemm inqabad pixxispad u kemm persentaġġ minnu ġie esportat? (2) Kemm inqabad tonn u x'persentaġġ minnu ġie esportat? (3) Kemm kienu l-valuri annwali ta' l-esportazzjoni msemmija f'(1) u (2)?
ONOR. NOEL FARRUGIA: L-ammont ta' Pixxispad u Tonn maqbud bejn is-sena 1981 u 1996 l-ammount esportat u l-valur anwali ta' l-esportazzjoni msemmija huma kif jidher :-
Tonn

Sena	Qbid	Esportazzjoni	Valur ta' Esportazzjoni	Persentaġġ
	Kgs	Kgs	LM	%
1981	32,169	3,519	3,519	10.9
1982	39,804	1,021	1,021	2.5
1983	31,199	Nil	Nil	Nil
1984	20,772	Nil	Nil	Nil
1985	21,288	16,529	26,446	77.6
1986	41,202	5,732	5,135	13.9
1987	36,262	Nil	Nil	Nil
1988	25,390	1,521	1,673	5.9
1989	34,405	5,120	13,375	14.8
1990	48,669	16,590	47,651	34
1991	63,311	23,765	83,949	37.5
1992	48,221	29,500	80,404	61.1
1993	150,834	85,243	336,361	56.5
1994	343,671	187,712	576,128	54.6
1995	353,014	195,996	390,630	55.5
1996	239,867	151,953	303,906	63.3

Pixxispad

Sena	Qbid	Esportazzjoni	Valur ta'Esportazzjoni	Persentaggi
	Kgs	Kgs	LM	%
1981	170,905	55,386	85,848	32.4
1982	158,079	68,033	108,853	43
1983	53,014	Nil	Nil	Nil
1984	83,551	Nil	Nil	Nil
1985	96,010	61,000	106,267	63.5
1986	86,693	20,907	35,715	24.1
1987	123,585	6,174	12,831	5
1988	184,731	44,235	89,925	24
1989	107,820	7,683	15,481	7.1
1990	108,879	40,371	90,558	37
1991	105,556	23,297	55,722	22
1992	70,648	7,775	23,667	11
1993	75,516	25,245	66,328	33.4
1994	42,155	Nil	Nil	Nil
1995	58,191	5,834	14,906	10
1996	57,659	6,458	14,328	11.2

MAJJAL/ĊANĠA

754. L-ONOR. NINU ZAMMIT staqsa lill-Ministru tal-Biedja u Sajd: Jista' l-Ministru jgħid sena b'sena bejn l-1981 u l-1996: (1) Kemm inqatel majjal u ċanga (kgs)? (2) Kemm kien il-prezz medju rispettiv imħallas lir-raħħal?
ONOR. NOEL FARRUGIA: (1) Il-figuri tal-qatla (kilos) tal-majjal u ċ-ċanġa għas-snin 1981-1996 huma kif jidher hawn taħt:

Sena	Majjal	Ċanga
	(kilos)	(kilos)
1981	630,286	2,190,054
1982	1,796,916	1,593,695
1983	3,909,526	1,515,694
1984	5,486,525	1,554,580
1985	7,007,717	1,421,630
1986	7,333,687	1,451,564
1987	7,365,846	1,334,990
1988	7,772,971	1,733,481
1989	8,288,543	1,547,898
1990	7,420,154	1,630,782
1991	7,595,290	1,572,860
1992	7,890,273	1,602,539
1993	8,508,311	1,640,065
1994	9,226,789	1,669,923
1995	8,496,963	1,735,446
1996	8,815,220	1,664,810

Il-prezz taċ-ċanga jvarja skond is-suq,fil-fatt f'dawn is-snin il-prezz ta' l-għoġiela varja bejn Lm 1.38,7 il-kilo għall Lm 1.76,6 il-kilo u l-prezz tal-baqar varja bejn Lm 093,3 il-kilo u Lm 1.170 il-kilo.

Il-prezz medju rispettiv imħallas lir-raħħal kien kif jidher hawn taht:-
Sena prezz medju kull kilo (Lm) ghar-raħħala

	Barrin	Baqar	Majjali
1981	1.387	1.052	0.792
1982	1.727	1.451	0.875
1983	1.760	1.480	0.855
1984	1.776	1.449	0.830
1985	1.733	1.276	0.830
1986	1.738	1.170	0.790
1987	1.766	1.153	0.790
1988	1.616	1.070	0.700
1989	1.572	1.109	0.700
1990	1.650	1.244	0.700
1991	1.700	1.326	0.700
1992	1.682	1.296	0.700
1993	1.547	1.111	0.840
1994	1.350	0.933	0.840
1995	1.589	0.995	0.840
1996	1.575	1.008	0.840

SAJJIEDA

755. L-ONOR. NINU ZAMMIT staqsa lill-Ministru tal-Biedja u Sajd: Jista' l-Ministru jgħid sena b'sena bejn l-1981 u l-1996: (1) Kemm kien in-numru ta' sajjieda "fulltime" li rċevew sussidju/loans/grants? (2) Kemm kien l-ammont annwali ta' sussidju/loans/grants?

ONOR. NOEL FARRUGIA: Bejn is-sena 1981 u 1996 in-numru ta' sajjieda full time li rcevew sussidju/loans/grants u l-ammont annwali hu kif imsemmi:-

Sena	Numru ta'sajjieda	Ammont/Grants
1981	13	Lm 28,800
1982	2	Lm 4,068
1983	9	Lm 17,942
1984	2	Lm 3,000
1985	Nil	Nil
1986	11	Lm 26,992
1987	25	Lm 53,451
1988	13	Lm 26,447
1989	Nil	Nil
1990	17	Lm 47,568
1991	7	Lm 17,371
1992	20	Lm 48,417
1993	1	Lm 6,000
1994	6	Lm 18,885
1995	2	Lm 990
1996	4	Lm 13,746

ĦUT - ESPORTAZZJONI

756. L-ONOR. NINU ZAMMIT staqsa lill-Ministru tal-Biedja u Sajd: Jista' l-Ministru jgħid fir-rigward tal-qasam tas-sajd, sena b'sena bejn l-1981 u 1996: (dejjem jekk kien hemm esportazzjoni u eskluż dak mill-fish farms) (i) liema tip ta' ħut ġie esportat; u (ii) l-ammont ta' kull tip esportat?