İşin elmi nəticəsi: Beləliklə, dini nağıllar üzərində ənənəvi formullarla bağlı aparılan müşahidə və təhlillər göstərir ki, digər nağıl qrupları ilə müqayisədə, dini nağıllarda istifadə olunan formullar fərqli xüsusiyyətlərə malikdir. Belə ki, onlarda bir sıra formullar üst-üstə düşsə də, fərqli cəhətlər də özünü göstərməkdədir. Eləcə də dini nağıllarda işlənən ənənəvi formullar onların əfsanə və yaxud rəvayət olmadığını təsdiqləyən element kimi də özünü göstərir.
İşin elmi yeniliyi: Məqalədə Azərbaycan dini nağıllarının ənənəvi formullar sistemi ilk dəfə olaraq nəzəri cəhətdən öyrənilmiş, onun praktiki təhlil örnəkləri təqdim olunmuşdur.
