Dəmiryol nəqliyyatında daşımaların təşkilinin əsasları

Təhlükəli yüklərin təsnifatı və növləri

Daşınma prosesində, yükləmə-boşaltma işlərində və anbarda saxladıqda partlayış və və yanğın törədə bilən, hərəkət tərkiblərini, anbarları, tikinti qurğularını zədələyə bilən yüklərə təhlükəli yüklər deyilir. Bütün bu xassələrinə görə təhlükəli yükləri daşıyan zaman və anbarda saxlayan zaman, insanların təhlükəsizliyini təmi edən, yükün və hərəkət vasitələrinin qorunub saxlanmasını təmin edən xüsusi şərtlərə əməl etmək lazımdır. Bu yüklərlə hər hansı bir qəza hadisələri baş verdikdə hadisələrin nəticələrini dərhal aradan qaldırmaq lazımdır.

BMT-nin Beynəlxalq Sazişlərinə, konvensiyalarına, məcəllələrinə və Dövlət standartalrına müvafiq olaraq bütün təhlükəli yüklər 9 sinfə (dərəcəyə) bölünürlər:

1 sinif – partlayıcı materiallar (PM);

2 sinif – təzyiq altında sıxılmış, mayeləşdirilmiş və həll edilib əridilmiş qazlar;

3 sinif – tezalışan mayelər (TAM);

4 sinif – tezalışan bərk maddələr və materiallar (TBM);

5 sinif – oksidləşdirici maddələr (OM);

6 sinif - zəhərli maddələr (ZM);

7 sinif – radioaktiv maddələr (RM);

8 sinif – aşındırıcı və korroziyaedici maddələr (AKM);

9 sinif – qeyri təhlükəli maddələr (alışan maddə və materiallar, müəyyən şəraitdə zəhərləyici və korroziyaedici xarakterli, zəif zəhərli və təzyiq altında olan maddələr).