Dərs vəsaiti Azərbaycan Respublikasının Prezidenti yanında Dövlət Ġdarəçilik

Bütövlükdə kursun məqsədi – Azərbaycan Respublikasının 
Prezidenti yanında 
Dövlət İdarəçilik Akademiyasın
da təhsil alan 
gələcəyin 
mütəxəssislərində 
kommunikativ 
səriştə 
formalaşdırmaqdan, 
onların 
ümumi 
nitq 
mədəniyyətini 
yüksəltməkdən, müasir Azərbaycan dili normalarını daha 
mükəmməl mənimsəməkdən, ünsiyyətin müxtəlif formalarından 
daha məharətlə istifadə etmək bacarığı aşılamaqdan ibarətdir. Bu 
vəsaitdən müasir Azərbaycan ədəbi dil normaları və nitq 
mədəniyyəti məsələləri ilə maraqlanan hər bir kəs faydalana bilər. 
Qeyd: Bu dərs vəsaitinin hazırlanmasında nitq mədəniyyə-
tinin ritorika, üslub, ritorikanın başqa elmlərlə əlaqəsi, ritorikanın 
qısa tarixi, onun Yunanıstanda, Romada və Avropada, 
Azərbaycanda yaranması barədə məlumatlar Adil Babayevin 
Bakı, 2011-ci ildə nəşr olunan, ―Azərbaycan dili və nitq 
mədəniyyəti‖ dərsliyindən, Nadir Abdullayevin Bakı, 2013-cü 
ildə nəşr olunan ―Nitq mədəniyyətinin əsasları‖ dərs vəsaitindən 
və mərhum dilçi alimimiz Əlövsət Zakir oğlu Abdullayev və 
başqalarının birgə hazırladıqları ―Müasir Azərbaycan dili (IV 
cilddə, Bakı, 2007 )‖ kitabından, ―Azərbaycan dili ‖ (qəbul imta-
hanlarına hazırlaşmaq, yuxarı sinif şagirdləri və müəllimlər üçün 
vəsait). 
Bakı, 
2011. 
―Abituriyent 
jurnalının 
xüsusi 
buraxılışı‖ndan və nitq mədəniyyətinə aid müxtəlif müəlliflərin 
kitablarından, nəzəri-əməli fikirlərindən istifadə olunmuşdur. 
Mustafa İsgəndərzadə, filologiya elmləri üzrə fəlsəfə 
doktoru, dosent 

---

 
7 
Sənin təhsil aldığın elm ocağı 
Sənin təhsil aldığın elm ocağı- Azərbaycan Respublikasının 
Prezidenti yanında Dövlət İdarəçilik Akademiyası respubli-
kamızın ən nüfuzlu ali məktəblərindən biridir. 
Ümummilli liderimiz Heydər Əliyev 3 yanvar 1999-cu il ta-
rixli ―Azərbaycan Respublikasının Prezidenti yanında Dövlət 
İdarəçilik Akademiyasının yaradılması haqqında‖ fərmanı 
dövlətçiliyimizin möhkəmləndirilməsi və daha da inkişaf 
etdirilməsi işinə ulu öndər Heydər Əliyevin mühüm qayğısının 
təzahürüdür. H.Əliyev bu müdrik fərmanı dövlət xidməti 
sisteminə istedadlı, bacarıqlı, zəkalı, əxlaq və mənəviyyatca 
təmiz olan gənclərin cəlb olunması, bunun üçün onlara yüksək 
səviyyəli təhsilin verilməsi istəyi idi. Respublikamızda dövlət 
idarəçiliyi sahəsində yeganə təhsil ocağı olan akademiyanın 
vəzifəsi dövlət strukturlarını dövrün, zamanın tələbləri 
səviyyəsində idarə edəbiləcək gənclərdən ibarət mütəxəssis 
kadrlar hazırlamaqdan və həmçinin mövcud kadrların, dövlət 
məmurlarının ixtisasının artırılmasından ibarətdir. Eyni zamanda, 
bu akademiya milli ideologiyamıza xidmət etməklə yanaşı, bu 
ideologiyanın formalaşması, təkmilləşdirilib inkişaf etdirilməsi 
və təbliğ olunması sahəsində mühüm rol oynamağı hər şeydən 
üstün tutur. 
Azərbaycan Respublikasının Prezidenti yanında Dövlət İda-
rəçilik Akademiyası yarandığı vaxtdan etibarən tədris-elmi struk-
turları ilə diqqət mərkəzində olmuşdur. Onun ―Rəhbər kadrların 
ixtisasının artırılması‖, ―İnzibati idarəetmə‖, ―Siyasi idarəetmə‖ 
fakültələri, magistratura şöbəsi, ―Dövlət qulluğu və kadr siya-
səti‖, ―Dövlət idarəetməsi və menecment‖, ―Dövlət idarəçiliyində 
informasiya texnologiyaları‖, ―Dövlət quruculuğu və hüquq‖, 
―İqtisadiyyatın dövlət tənzimlənməsi‖, ―Politologiya və siyasi 
idarəetmə‖, ―Beynəlxalq münasibətlər və xarici siyasət‖, ―Tarix‖, 

---

 
8 
―Fəlsəfə və sosial psixologiya‖, ―Dillər‖ kafedraları, ―Heydər 
Əliyev Dövlət İdarəçilik Universiteti‖, ―Geostrateji Araşdırmaları 
Mərkəzi‖, ―İnformasiya Texnologiyaları Mərkəzi‖, ―İnsan 
hüquqları, ―Demokratiya və Sülh problemləri üzrə YUNESKO 
Mərkəzi‖, ―Sorğu Sosioloji Araşdırmalar Mərkəzi‖, ―İnzibati 
idarəçilik strukturları‖, ictimai təşkilatlar və digər şöbələr, 
bölmələr fəaliyyət göstərir, həmçinin İnzibati idarəetmə fakül-
təsinin ―Kompüter elmləri‖, ―İqtisadiyyat‖, ―Dövlət və bələ-
diyyə‖, ―Ekologiya‖ ixtisasları üzrə kadrlar hazırlanır. 
Azərbaycan Respublikasının Prezidenti yanında Dövlət İda-
rəçilik Akademiyasının fakültələrində 1059 nəfər bakalavr, 173 
nəfər magistr, ―Rəhbər Dövlət İdarəçiliyi Kadrlarının ixtisasının 
artırılması İnstitutunda‖ 225 nəfər magistrant ―Dövlət və bələdiy-
yə idarəetməsi‖ ixtisası üzrə təhsilini davam etdirir. Bu tələ-
bələrin: bakalavr və magistr pilləsində oxuyanların və 
dinləyicilərin təhsili ilə müxtəlif ixtisaslar üzrə 197 nəfər 
müəllim məşğul olur. Onların da 27 nəfəri elmlər doktoru, 112 
nəfəri isə elmlər namizədidir. Müəllimlərdən bir nəfəri Azər-
baycan Milli Elmlər Akademiyasının həqiqi üzvü, bir nəfəri isə 
AMEA-nın müxbir üzvüdür. 
Əziz dostlar! Siz bizim akademiyamızın auditoriyalarına 
qədəm basan yüzlərlə tələbə və magistrın nümayəndəsisiniz. Sizi, 
maraqlı təhsil illəri gözləyir. Ümid edirik ki, çətin sınaq 
imtahanlarından necə keçmişsinizsə, təhsil illərini də uğurla başa 
çatdıracaqsınız. Sizə uğurlar arzulayırıq!