Dərs vəSAİTİ baki 2023 TƏRTİb edəN: elmi redaktor: RƏYÇİLƏR: Ön söZ

MÖVZU 1. PEDAQOJİ FƏALİYYƏTİN SOSİAL İŞDƏ ROLU

Əhatə olunan məsələlər:

1. 
   Pedaqoji fəaliyyət anlayışının təhlili
   
2. 
   Sosial-pedaqoji fəaliyyətin prinipləri
   
3. 
   Sosial-pedaqoji işin məqsədi və ondan irəli gələn məsələlər
   

Sosial işin pedaqoji məzmunu insanların davranışlarının korreksiyası və yenidən tərbiyəsi ilə müəyyən edilir. Korreksiya istənilən fəaliyyətin zəruri elementidir, çünki nə təhsildə, nə işdə, nə də ünsiyyətdə bir addımda sosial əhəmiyyətli nəticə əldə etmək mümkün deyil. Sağlam, səmərəli komandanın formalaşdırılması sosial işin mühüm pedaqoji aspektidir. Formal və real liderliyin üst-üstə düşməsi baş verir ki, bu da münaqişələrin yaranma ehtimalını azaldır və qrupda qarşılıqlı yardımı gücləndirir.
Sosial iş pedaqogikası baxımından bu haqda məlumatlı olmayan şəxs üçün sosial işçinin fəaliyyəti çox sadə və hamı üçün praktiki baxımdan sadə və rahat görünə bilər. Belə ki, dövlət müavinətlərini, yeməkləri, əşyaları paylamaq, ehtiyacı olanların aclığının qarşısını almaq baxımlndan işlər görmək və s. kimi məsələlər məhz bu istiqamətdə əsas olması ilə seçilir.
Sosial pedaqoq haqqında müxtəlif müzakirələr aparılır. Əsasən onun fəaliyyəti uşaqların, gənclərin və yaşlıların sosial həssaslığı, sosial siyasətə ənənəvi yanaşmanın dəyişdirilməsi və bu kimi mühüm məsələləri özündə birləşdirir. Eyni zamanda sosial-iqtisadi, hüquqi, ekoloji və ailəni dəstəkləmək üçün valeoloji, təhsil, mədəni və digər imkanlar, onun problemləri ilə profilaktik iş aparmaq da onun öhdəsinə düşən məsələlər sırasındadır.
Əgər şagird dərs prosesində müəllimin işinə müdaxilə edirsə, həm də üzərinə düşən vəzifəni düzgün formada yerinə yetirmirsə, bu zaman sosial müəllimin fəaliyyət sahəsi meydana gəlir. Çünki o, bu istiqamətdə dəyişiklik və düzəlişlər etmək üçün bir sıra işlər görməlidir. Yəni o, valideynləri məktəbə çağıra, onlarla maarifləndirici söhbətlər apara bilər. Əlbəttə ki, bu yalnız işin xeyrinə olacaqdır. Bu baxımdan “sosial iş” və “sosial pedaqogika” anlayışlarının mənası da meydana gəlir. Hər iki ifadə bir-biri ilə vəhdət təşkil edir.
Sosial iş insanların mədəniyyəti, sosial davranışları öyrəndiyi, həm də maddi və sosial münasibətlərə aludə olduğu təhsil prosesi kimi insanlara çatdırıla bilər. Bir məqamı da bildirək ki, bu işdə anidən olan yanaşmalar da mühümlüyü ilə seçilir. Yəni bunlar fərdin və kollektivin ictimai formalaşmasına aid edilsə də, elmi əsaslandırılmış ictimai iş onu daha məqsədyönlü edir.
Sosial öyrənmə yalnız təhsil və əmək fəaliyyətinin fərqləndirilməsi prosesində baş verir. Sosial işçi təlimat verir, eyni zamanda, texnoloji sənədlərin öyrənilməsi prosesini yaratmaqla, müştərinin fəaliyyətinə nail olur. Yoxlamanı həyata keçirən zaman insanlara qarşı inam hissi formalaşdırmaq sosial işin ifadəsinin ən bariz nümunəsidir. Belə ki, mütəxəssislər kadr hazırlığı prosesində daima müsbət istiqamətə meyl edib, nikbin nəticə əldə olunmasına doğru gedirlər. Tərbiyə prosesində əldə olunan nəticə nə qədər çətin olsa da, sosiallaşma, özünütərbiyə, yenidəntəhsil, özünümüdafiə proseslərinin formalaşdırılması problemlərinin həllinə uğurlu şəkildə kömək edən insanlar, şəxslər həmişə olacaqdır. Çünki burada əsas məqsəd qarşıya çıxan problemlərin uğurlu şəkildə həllini təşkil etməkdir.