Dərs vəsaiti «Mehmanxana təsərrüfatı»
|
- Bu səhifədəki naviqasiya:
- Maddə 12. İlkin ödəmə
- Maddə 13. Mehmanxana sahibinə ödənilm əli m əbləğlər
| Maddə 11. Qiymətlər
Mehmanxana sahibi, müqavilədə başqa cür şərtləşdirilmədiyi halda, ödənişləri öz ölkəsində dövriyyədə olan pul vahidi ilə müqavilədə göstərilmiş qiymətlərə uyğun olaraq qəbul edəcəkdir. Buna baxmayaraq, uzunmüddətli müqavilələrdə qiymətlərin təshih edilməsi haqqında müddəalar əlavə oluna bilər. Maddə 12. İlkin ödəmə a. Mehmanxana sahibi bronlama üçün ödəmə və yaxud sifarişin qəbul edilməsi şərti kimi avans (girov) ödənişini tələb edə bilər. Mehmanxana sahibi girov şəklində avans ödənilməsini tələb etdiyi halda o bunu ayrıca olaraq qabaqcadan şərtləşdirməlidir. Bronlama haqqı son haqq-hesab zamanı yekun ödəniş məbləğindən çıxılacaqdır, lakin gecikdirilmiş imtina hallarında o qaytarılmayacaqdır. I99 b. Sifarişin mehmanxananın yazılı nizamnaməsi və ya bu sahədə ümumi qəbul olunmuş normalara uyğun olaraq ləğv olunduğu hallar istisna olmaqla, hər hansı avans girov hesab edilə bilər. Mehmanxana sahibi avans məbləğinin ödənilməsini tələb edərsə, mehmanxana müqaviləsi bu məbləğin tam ödənişindən sonra və yaxud ödənişin yerinə yetirilməsini sübut edən dəlillər təqdim olunduqdan sonra qəti olaraq bağlanmış hesab edilə bilər. c. Mehmanxana sahibi avans ödənişinin alınmasını 72 saat ərzində təsdiqləməlidir. Maddə 13. Mehmanxana sahibinə ödənilm əli m əbləğlər a) Turizm agentliyinin haqqını ödədiyi xidmətlər mehmanxanaya göndərilən bronlama haqqında sənəddə göstərilməlidir. b) Müqaviləyə görə, hesabların birbaşa olaraq müştəri tərəfindən ödənilməsi nəzərdə tutulan hallar istisna olmaqla, meh manxana müqaviləsini imzalayan turizm agentliyi qabaqcadan şərtləşdirilmiş bütün xidmətlərə görə haqların ödənilməsini təmin etməlidir. c) Uzunmüddətli qalma halında turizm agentliyi müqavilə şərtlərinə uyğun olaraq bütün bu müddət ərzində göstərilən xidmətlərin haqqının mehmanxanaya ödənilməsini təmin edəcəkdir. d) Mehmanxana xidmətlərinin birbaşa olaraq müştəri tərəfindən ödənildiyi hallarda mehmanxana sahibi şərtləşdirilmiş xidmətlərə görə turizm agentliyinə çatacaq komisyon haqların ödənilməsinə zəmanət verir. e) Bu cür birbaşa haqq-hesab ödəmələrində mehmanxana sahibi öz rəyinə əsasən ödəniş üçün yalnız kredit kartlarını qəbul etmək hüququna malikdir. Yüklə Dostları ilə paylaş:
|