143
MİLLİ DİNLƏR
aləmin
iki fövqəltəbii qüvvə, yaxud iki tanrı tərəfindən yaradıldığına,
yaxud
idarə olunduğuna inanmaq deməkdir. Lakin bir sıra alimlər zərdüştiliyi dualist
deyil, monoteist və ya təkallahlı din hesab edirlər. Onların
fikrincə,
dualizm
zərdüştiliyə sonradan keçmişdir. Bu nəzəriyyənin tərəfdarları öz mülahizələrini
əsaslandırmaq məqsədilə “Avesta”nın “Qat”lar hissəsindən dəlillər gətirirlər.
Zərdüştilər inanırlar ki, sonsuz nur içində olan xeyir tanrısı Ahura Mazda
hər şeyin fövqündə dayanır. Onun varlığının başlanğıcı və sonu yoxdur. O, hər
şeyi
biləndir, bütün canlı və cansız aləmin yaradıcısı, dünyanın idarəçisi və
hakimi-mütləqidir. Həmçinin Ahura Mazda işığın, saflığın və bütün həqiqətlərin
tanrısıdır, hər bir yaxşılıq ondan gəlir. Ondan törəyən altı ilahi qüvvə və ya xeyir
tanrıları isə kainatda harmoniyanın qorunmasında Ahura
Mazdaya köməklik
edirlər. Ahura Mazdanın özü də daxil olmaqla bu ruhani varlıqlar “ameşa
spenta” (Avesta dilində “ölməz müqəddəslər” deməkdir- Red.) adlanır. “Ameşa
spenta”ya bunlar daxildir: 1.
Ahura Mazda
– Xaliq, hər şeyin yaradıcısı;
2.
Vohu-Mana
– mal-qaranın himayəçisi və xeyirxahlığın tanrısı;
3.
Aşa-Vahişta
– odun himayəçisi və həqiqətin tanrısı;
4.
Hşatra-Varya
– metalın himayəçisi və ilahi padşahlığın tanrısı;
5.
Spenta-Armati
– mömin həyatın tanrısı və torpağın himayəçisi;
6.
Xaurvatat
– bütövlüyün tanrısı
və suyun himayəçisi;
7.
Amertat
– ölümsüzlüyün tanrısı və bitki aləminin himayəçisi.
Zərdüştiliyə görə,
Ahura Mazdanın
rəqibi
Anqra-Manyu
və ya
Ahra-
Manyu
(Avesta dilində “şər ruh” deməkdir; qısaldılmış şəkildə - Əhrimən- Red.)
adlı şər tanrıdır. Xeyir tanrısından fərqli olaraq, o, nəyisə xəlq etmək iqtidarında
deyildir, yəni yaradıcı qüvvədən məhrumdur. Buna baxmayaraq, Ahura Mazdanın
xəlq etdiyi pak və yaxşı olan hər şeyə Anqra-Manyu şər toxumları səpir, dağıdıcı
və zərərverici qüvvə kimi çıxış edir. Ona görə də Zərdüştilikdə Anqra-Manyu
bütün bəla və fəlakətlərin mənbəyi, şər qüvvələrin simvolu hesab olunur. Onun
hər cür əxlaqsızlığı və eyibi təcəssüm etdirən “dev”lər (fars dilində “əcinnə”
mənasına gəlir- Red.) adlı köməkçiləri vardır. Anqra-Manyudan törəyən bu şər
ruhlar xeyir tanrısının yaratdığı pak və təmiz olan hər şeyə, o cümlədən bəşər
övladına zərər yetirməyə çalışırlar.
Gördüyümüz kimi, Zərdüştilik etiqadının əsasında xeyir və şər arasında
mübarizə ideyası dayanır. Zərdüştilər inanırlar ki, dünyanın sonunadək davam
edəcək bu mübarizə xeyrin şər üzərində qələbəsi ilə bitəcəkdir. Onlar inanırlar
MULTİKULTURALİZMƏ GİRİŞ
144
ki, bütün insanlar axirətdə hesaba çəkiləcək, yaxşı əməlləri pis əməllərindən çox
olanlar cənnətə, günahkarlar isə cəhənnəmə düşəcəklər.
Zərdüştilikdə cənnət
“vahista ahu” (Avesta dilində “ən yaxşı mövcudiyyət” deməkdir), cəhənnəm isə
“duzahu” (Avesta dilində “ən pis mövcudiyyət” mənasına gəlir) adlanır.
Qeyd edək ki, zərdüştiliyin axirət inancında
“Çinvat”
körpüsü anlayışı
da mövcuddur. “Çinvat” Avesta dilində “külək körpüsü” anlamına gəlir.
Zərdüştilərin inancına əsasən, “Çinvat” körpüsü dirilər və ölülər dünyasını
ayıran əfsanəvi çay üzərində qurulub. Axirətdə xeyirxah insanların ruhları bu
körpüdən asanlıqla keçərək cənnətə daxil olacaqlar. Günahkar bəndələrin ruhları
isə “Çinvat”dan keçə bilməyəcək və cəhənnəmə düşəcəklər.
Dostları ilə paylaş: