Dərslik Azərbaycan Respublikası Təhsil Nazirliyinin 29 iyun 2021-ci IL f-300 saylı əmri ilə təsdiq edilmişdir baki- 2021

Strategiya
Nümunələr
Məhsulun yeni sahədə istifadə edilməsi üçün hazırlanması	“Armend Hammur” içməli sodanın soyuducular üçün dezodarant kimi istifadə edilməsi
Məhsulun yeni əlamətlərinin yaradılması və modernləşdirilməsi	Batareya ilə işləyən televizorlar
Bazar seqmentlərinin artırılması	Kütləvi jurnalların regional nəşrinin təşkili
Ənənəvi məhsullar üçün yeni istehlakçı qruplarının aşkar edilməsi	Təşkilatların ofisləri üçün kapron – neylon örtükləri
Modernləşdirilmiş məhsullar üçün istehlakçıların yeni qruplarının aşkar edilməsi	İş otaqları üçün dəyəri yüksək olmayan üz çıxaran avadanlıq
Ənənəvi istehlakçılar üçün zəruri olan məhsulun həcminin artırılması	Qazlaşdırılmış və digər içkilər üçün çox təbəqəli qablaşdırma
Marketinq strategiyasında dəyişikliklər	Kütləvi informasiya mənbələrində - televizor, radio və,s. abunənin reklam edilməsi. Supermarketlərdə məişətdə istifadə edilən məhsulların satışının təşkili

Kvadrat 4 strategiyanın diversifikasiya matrisasıdır. Bu strategiya müəssisənin hər hansı sərbəst təsərrüfat qurum­larından və yaxud bir məhsul çeşidi asılılığından qurtarmaq üçün istifadə edilir. Eyni zamanda, bu strategiyadan müəssisə istədiyi hallarda, fəaliyyətində zəiflik və fəaliyyətsizlik olan bazarları tərk etmək üçün tətbiq edilir. Ancaq, bu strategiyanın həyata keçirilməsi yeni məhsulların və yeni bazarları hazırlanmasını tələb edir. Bu zaman yeni bazarın yəni, məh­sulların qəbul edilməsi imkanları nəzərə alınmalıdır, çünki bir çox hallarda bu imkanlar zəif və yaxud demək olar ki, mümkün olmur. Müxtəlif şirkətlərdə strategiyanın hazırlanması təcrübəsi göstərir ki, onlar çox nadir hallarda hər hansı bir strategiya üzərində dayanırlar. Bu zaman onların ardıcıllığı hər bir strategiyanın əhəmiyyətindən və gözlənilən nəticələrdən asılıdır. Bu halda şirkətin ümümi strategiyası başlanğıc və sonrakı mərhələlərin ardıcıllığına müvafiq tərtib edilir.
Yuxarıda baxılan yanaşmaların özünə məxsus modifikasiyası A.Steynerin 1975-ci ildə təklif etdiyi modeldir. Bu model bazarların məhsullarının klassifikasiyasını və ənənəvi istehsal olunan və bu məhsullar ilə bağlı yeni, tamamilə yeni məhsulların klassifikasiyasını əks etdirir. Qeyd olunan asılılıq aşağıdakı sxemdə göstərilmişdir.

Bazar Məhsul	Ənənəvi istehsal olunan	Yeni, ənənəvi istesal olunanla bağlı	Tam yeni
	Aşağı riskli		Yüksək riskli
Yeni, ənənəvi istesal olunanla bağlı
Tam yeni	Yüksək riskli		Daha yüksək riskli