Dərslik Azərbaycan Respublikası Təhsil Nazirliyinin 29 iyun 2021-ci IL f-300 saylı əmri ilə təsdiq edilmişdir baki- 2021

S/s	Bölmələrin adı
Mahiyyəti
1	Dövriyyə	Bu bölmədə müəssisənin əsas maliyyə axını əks olunur, hansı ki, onun cari fəaliyyətinə uyğun olan dövriyyədən cari daxil olmaları təmin edir
2	Müəssisə üçün ca­ri xarici ödə­niş­­lər	Bu bölmədə müəssisənin əsas fəaliyyəti ilə əlaqədar olmayan ödənişlər əks olunur
3	İnvestisiya fəaliyyəti	Bölmədə müəssisənin uzunmüddətli investisiya fəaliyyətindən daxil olan vəsait və ödənişlər əks olunur
4	Borc maliyyələş-məsi ilə əlaqədar olan ödənişlər	Bu bölmədə planlaşdırma dövründə borcların ödənilməsi və yeni kreditin alınması ilə əlaqədar baş verə biləcək ödənişlər və daxil olmalar planlaşdırılır
5	Qeyri əsas fəa­liy­yət növlərindən ödənişlər	Bu bölmədə müəssisənin fəaliyyət gös­tə­ri­ci­lə­rinə təsir edən qeyri əsas fəaliyyətindən daxilolmalar və ödənişlər planlaşdırılır
6	Vergi ödənişləri	Bu bölmədə planlaşdırılan vergi ödənişləri göstərilir
7	Sair ödənişlər	Bu bölmədə əsasən səhmdarlara ödəniləcək divident ödənişləri və eyni zamanda özünün xüsusi kapitalının artırılması hesabına mümkün ola biləcək daxil olmalar planlaşdırılır

Ortamüddətli maliyyə planı müəssisənin ödənişlərinin apa­rıl­masına hədəflənən dəyişkən xarakterli olmalıdır. Bu plan cari likvidliyinin təmin edilməsi üçün əsas olaraq uzunmüddətli maliyyə planını tamamlayır.

Bundan başqa qeyd etmək lazımdır ki, ortamüddətli maliy­yə planı bütün nöqsanları vaxtında və yaxud müəssisənin maliyyə vəsaitindəki çatışmamazlığı aşkar etməyə imkan ver­mə­lidir. Maliyyənin planlaşdırılması daha çox qısamüddətli ma­liyyə planı çərçivəsində dəqiq həyata keçirilir. Bu plan müəs­sisənin malik olduğu maliyyə ehtiyatlarını əks etdir­mə­lidir. Belə ehtiyatlar kimi aşağıdakılar nəzərdə tutula bilər:

• 
  likvid vəsait- əvvəlcə nəzərdə tutulmuş həcmindən artıq ola­nı;
  
• 
  müəssisənin mobilizasiya əmlakı (məsələn, maliyyə aktivlərinin satılmasından yaranan vəsait);
  
• 
  kredit xəttinin genişləndirilməsi;
  
• 
  müəssisənin xüsusi kapitalının qısamüddətli genişləndirilməsi.