Şəkil 6.5. Müəssisədə təşviqatın aparılmasının əsas vasitələri
Fərdi satışın aparılması məhsulların (malların) və xidmətlərin hərəkəti ilə bağlıdır. Bura məhsullar ilə əlaqədar bir və yaxud bir neçə potensial alıcılar ilə şifahi aparılan danışıqlar da daxildir. Fərdi satışın məqsədləri məhsulların hərəkətinin digər növləri ilə analojidir: məlumat, inandırma və yadasalma.
Fərdi satışın aparılmasının müsbət tərəfləri olduğu kimi mənfi tərəfləri də vardır və aşağıda göstərilmişdir:
Müsbət tərəfləri
|
Mənfi tərəfləri
|
1. Hər bir istehlakçıya fərdi yanaşma
|
1. Alıcılarla məhdud görüşlər olduğu üçün onlara məhsul haqqında ətraflı məlumatın verilə bilinməməsi baxımından səmərəsizdir
|
2. Nəticə verməyən xərclərin həcmi reklama nisbətən azdır
|
2. Bir istehlakçıya xərclərin çox olması
|
3. İstehlakçıları əldə saxlayır, onlardan qərar qəbul edə bilməyənləri tərəddüddən və qayğıdan azad edir
|
3. Pərakəndə satışda nüfuzunun zəif olması (alıcıya ölçüsüz təsirin göstərilməsi, müəyyən qeyri səmimiliyin olması və s.)
|
Şəkil 6.6. Fərdi satışın əsas xarakteristikaları
Fərdi satışın aparılmasının məhsul və xidmətlərin hərəkətinin digər qaydalarına görə üstünlükləri haqqında qərar qəbul edilərkən xərclər, potensial bazarın ölçüləri, onun tələbatı və çevikliyi nəzərə alınır.
Satışın stimullaşdırılması – stimullaşdırıcı təsir vasitələrindən istifadə etmək, onları sürətləndirmək və yaxud bazarın reaksiyasına cavabın gücləndirilməsi.
Məhsulların (malların) satışının stimullaşdırılması aşağıdakı əsas formalarda həyata keçirilir:
İstehlakçıların stimullaşdırılması (nümunələrin paylanması, kuponlar, pulun qaytarılması təklifləri, mükafat, müsabiqə, nümayiş etdirmək)
Satış sferasının stimullaşdırılması (məhsul nümunələrinin ödənişsiz verilməsi, birgə reklam işlərinin aparılması, dilerlərin müsabiqəsinin aparılması, alış üçün müəyyən güzəştlər)
Müəssisənin öz işçi heyyətinin stimullaşdırılması (mükafat, müsabiqələr, satıcıların sərgisi, konfransların təşkili)
Məhsulun (malın) satışının stimullaşdırılması, eləcə də fərdi satışın müsbət və mənfi tərəfləri vardır, bu aşağıda göstərilmişdir.
Dostları ilə paylaş: |
