Deuterokanonik kitabları Yoxlama versiyası

3
Tovitin duası
1 O zaman ürəyimdə dərin kədərlə iç çəkib
ağladım və inləyərək belə dua etdim:
2 «Ya Rəbb, Sən salehsən!
Bütün işlərin doğrudur,
Bütün   yolların   mərhəmət   və   həqiqətlə
doludur.
Sən əbədi Hakimsən.
3 İndi,   ya   Rəbb,   məni   yada   sal   və   mənə
nəzər yetir:
Günahlarıma   və   düşünmədən   etdiyim
səhvlərimə görə,
Sənin   önündə   günah   edən   əcdadlarıma
görə
Məni cəzalandırma!
Çünki mən Sənin əmrlərinə itaət etmədim,
4 Sən   də   bizi   qarətə,   sürgünə   və   ölümə
təslim etdin.
Aralarına   yayıldığımız   bütün   millətlərin
içində
Söz-söhbət, məsəl və kinayə hədəfi olduq.
5 İndi də mənim və atalarımın günahlarına
görə
Sərt   cəzalarla   etdiyin   çoxlu   hökmlərində
haqlısan.
Çünki Sənin əmrlərinə əməl etmədik,
Sənin önündə doğruluqla davranmadıq.
4

---

6 İndi mənimlə istədiyin kimi rəftar et;
Dünyanı   tərk   etməyim   və   torpağa
dönməyim üçün
Ruhumun məndən ayrılmasını əmr et.
Çünki yaşamaqdansa ölməyim yaxşıdır,
Ona görə ki haqsız məzəmmətlər eşidirəm,
Mənə üz verən kədər böyükdür.
Ya Rəbb, bu əzabdan azad olmağımı əmr
et ki,
Əbədi axirət evinə gedim.
Ya Rəbb, məndən üz döndərmə,
Çünki həyatımda çoxlu əzab görməkdənsə,
Məzəmmətlərə qulaq asmaqdansa
Ölməyim yaxşıdır».