Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Hamanın pis planları
7 [7] Padşah Axaşveroşun padşahlığının on ikinci ilində Mordokayın adamlarının ölüm gününün və ayının təyin olunması üçün Haman püşk atdı. Püşk Adar ayının on dördüncü gününə düşdü. 8 [8] Haman padşah Axaşveroşa belə dedi: «Padşahlığınızın vilayətlərində o biri xalqların arasına səpələnmiş bir xalq var. Qanunları bütün o biri xalqlarınkından fərqlidir və padşahın fərmanlarına əhəmiyyət vermirlər. Bu səbəbdən onlara dözmək padşahın mənafeyinə uyğun deyil. 9 [9] Padşah onların məhv edilməsini əmr etmək istəsə, padşahın xəzinəsi üçün on min talant gümüş ödəməyə hazıram». 10 [10] Sonra Yəhudilərə qarşı yazılmış əmri möhürləmək üçün padşah möhür üzüyünü barmağından çıxarıb Hamana verdi. 11 [11] Padşah ona belə dedi: «Gümüşün özündə qalsın, bu insanlarla nə istəyirsən et». 12 [12] Birinci ayın on üçüncü günü padşahın mirzələri çağırıldı və onlar Hamanın əmr etdiyi kimi, Hindistandan Həbəşistanadək yüz iyirmi yeddi vilayəti idarə edən valilərə və padşah Axaşveroşun padşahlığındakı bütün xalqların ağsaqqallarına onların öz dilində yazdılar. 13 [13] Adar adlı on ikinci ayın müəyyən 39 bir günündə Yəhudi xalqını məhv etmək və onların mülkünü müsadirə etmək üçün qasidlər vasitəsilə Axaşveroşun padşahlığının hər yerinə məktublar göndərildi. a ---------------------------------------------------- ¶ a3-cü fəsil «B» fəslindən sonra davam edir. B 14 [1] Məktubun məzmunu belədir: Böyük padşah Axaşveroşdan Hindistandan Həbəşistana qədər uzanan yüz iyirmi yeddi vilayətə və onlara tabe olan canişinlərə: 15 [2] «Bir çox xalqlar üzərində padşahlıq və bütün kainat üzərində hökmranlıq edərək, hakimiyyətin qürurundan təkəbbürlənməyərək, daim həlimlik və sakitliklə idarə edərək rəiyyətin həyatının həmişə dinc olmalarını, öz padşahlığımın əmin-amanlığını və onun bütün hüdudlarında asan keçilən olmasını gözləyərək adamların hamısı üçün arzu olunan sülhü bərpa etmək istəyirəm. 16 [3] Buna necə nail olmağı müşavirlərimdən soruşduqda aramızda öz müdrikliyi ilə seçilən, əvəzsiz lütfkarlığa, möhkəm sadiqlik sübutuna malik olan və padşahlıqda ikinci hörmət sahibi olan Haman bizə başa saldı ki, 17 [4] pis xasiyyətli bəzi insanlar dünyanın bütün qəbilələri arasına yayılmışdır. Onlar öz qanunları ilə bütün millətlərə qarşıdırlar və padşahın əmrlərinə biganəlik edirlər. Onların hərəkətləri hər kəsin yaxşılığı üçün davam etdirdiyimiz dövlət rəhbərliyinə mane olmaqdır. 18 [5] Belə vəziyyətdə aydın olur ki, öz xislətlərində tək olan bu insanlar qəti şəkildə bütün insanlığa qarşıdırlar, çünki öz qəribə qanunları ilə onlardan ayrılırlar. Bu insanlar mənafeyimizə düşməndirlər və ən iyrənc günahlar edirlər. Belə ki, padşahlığın sarsılmazlığını təhlükəyə məruz qoyurlar. Beləliklə, yalnız bu xalqın həmişə hər bir insana qarşı olduğu, qanunlara zidd həyat tərzi sürdüyü və bizim işlərimizə qarşı çıxaraq padşahlığımızın abadlaşdırılmasına nail olunmaması üçün çox böyük pisliklər etdiyi görünür. 19 [6] Əmrimiz budur ki, mülkiyyətimizi qoruyan və bizə ikinci ata olan Hamanın yazdığı məktublarda göstərilmiş kişilər, qadınlar və uşaqlarla birlikdə, ümumiyyətlə, düşmənləri tərəfindən qılıncdan keçirilsinlər. Onların kökü kəsiləcək. Heç kim onlara rəhm etməyəcək, onları bağışlamayacaq və bu hadisə bu ilin on ikinci ayı olan Adar ayının on dördüncü günündə həyata keçəcək. 20 [7] Beləcə keçmişdəki və bugünkü pis adamlar bir günün içində ölülər diyarına atılmağa məcbur ediləcəklər ki, sonrakı həyatımızı sona qədər sülhdə və rahatlıqda keçirməyimizə mane olmasınlar». 3 21 [14] Məktubun surətləri hər torpağa göndərildi. Əmr olundu ki, bütün xalqlar həmin günə hazır olsunlar. 22 [15] Fəaliyyət sürətlə Şuşana da yayıldı. Padşahla Haman yeyib-içən vaxt şəhər həyəcana düşmüşdü. 4 Yüklə 0,96 Mb. Dostları ilə paylaş:
|