Deuterokanonik kitabları Yoxlama versiyası

Mordokay Esterdən yardım istəyir
1 [1]   Baş   verənləri   öyrənəndə   Mordokay
paltarını   cırdı,   çula   bürünüb   üstünə   kül
səpdi.   Sonra   şəhərin   əsas   meydanında
yüyürərək uca səslə fəryad etdi: «Günahsız
millət   məhv   olur!»   2 [2]   Sonra   padşahın
darvazası yanına gəlib orada dayandı; belə
ki, ona çul və külə bürünmüş halda saraya
girməyə icazə vermədilər. 3 [3] Məktubun
elan   olunduğu   hər   vilayətdə   Yəhudilər
40

---

fəryada, hüznə və böyük yasa qərq oldular.
Onlar çul və kül içində qaldılar.
4 [4] Xidmətçiləri və xacələr gəlib bunları
mələkəyə   bildirdilər,   o,   baş   verənləri
eşidəndə   həyəcanlandı.   O,   paltar   geyib
çulu   çıxartması   barədə   Mordokaya   xəbər
göndərdi,   amma   onu   inandıra   bilmədi.
5 [5]   Onda   Ester   onun   müşayiətçisi   olan
xacə   Hatakı   çağırtdırdı.   Onu   özü   üçün
Mordokaydan   dəqiq   məlumat   gətirmək
məqsədi ilə göndərdi. 6 [6] 7 [7] Mordokay
baş   verənləri   ona   bildirdi   və   Hamanın
Yəhudiləri   məhv   edə   bilməsi   üçün
xəzinəyə on min talant ödəyəcəyi barədə
padşaha vəd verdiyini söylədi. 8 [8] Esterə
göstərməsi   üçün   Şuşanda   bəyan   edilən,
Yəhudiləri   məhv   etməyi   bildirən   yazının
bir surətini ona verdi. Bundan başqa, ona
söylədi   ki,   Esterə   padşahın   yanına   gedib
ondan   xahiş   etməyi   və   öz   xalqı   naminə
təmənna etməyi buyursun. Ona belə xəbər
göndərdi: «Əvvəlki sadə həyatını yada sal,
onda   mən   səni   öz   əlimlə   boya-başa
çatdırdım.   Padşahlığın   ikinci   adamı   olan
Haman   hamımızın   ölümü   üçün   müraciət
etdi.   Rəbbə   yalvar,   bizim   barəmizdə
padşahla danışıb bizi ölümdən qurtar!»
9 [9] Hatak gəlib bütün bu sözləri Esterə
söylədi. 10 [10] Ester də Hataka dedi: «Get
Mordokaya   de   ki,   11 [11]   padşahlığın
bütün   millətləri   bilir   ki,   çağırılmadan
sarayın içində padşaha yanaşan hər hansı
bir   kişi,   yaxud   qadın   ölümdən   qurtula
bilməz;   yalnız   padşah   qızıl   əsanı   kimə
uzatsa, o salamat qalar. Mən özüm bu otuz
gün ərzində padşahın yanına getmək üçün
çağırılmamışam».
12 [12]   Hatak   Esterin   bütün   sözlərini
Mordokaya   bildirəndə   13 [13]   Mordokay
Hataka   dedi:   «Gedib   Esterə   söylə   ki,
padşahlıqda   bütün   Yəhudilər   arasından
təkcə özünün salamat qalacağını düşünmə.
14 [14] Əgər belə bir vaxtda da sən sakit
qalsan,   kömək   və   müdafiə   Yəhudilərə
başqa   bir   yerdən   gələcək,   lakin   sən   də,
atanın   nəsli   də   məhv   olacaq.   Kim   bilir,
bəlkə   də,   elə   bu   vaxt   üçün   mələkə
olmusan?»
15 [15]   Ester   adam   göndərdi,   o   da
Mordokayın   yanına   gəlib   bu   sözləri
çatdırdı:   16 [16]   «İndi   get   və   Şuşandakı
bütün   Yəhudiləri   bir   yerə   topla.   Mənim
üçün   oruc   tutun,   üç   gün   ərzində   gecə-
gündüz   nə   yeyin,   nə   də   için.   Mən   və
xidmətçilərim   də   yeməkdən   imtina
edəcəyik.   Sonra   da   padşahın   yanına
gedəcəyəm, hərçənd ki bu, qanuna ziddir,
amma öləcəyəmsə, qoy ölüm».
17 [17]   Mordokay   gedib   Esterin   ona
buyurduğu kimi etdi.