Deuterokanonik kitabları Yoxlama versiyası
Padşah Yəhudilərə kömək edir
Yüklə 0,96 Mb. Pdf görüntüsü
|
| 8
Padşah Yəhudilərə kömək edir 1 [1] Elə həmin gün padşah Axaşveroş böhtançı Hamanın bütün mülkiyyətini Esterə verdi. Mordokay da padşah tərəfindən çağırıldı, çünki Ester özünün onunla qohumluq əlaqəsini açıqladı. 2 [2] Padşah Hamandan geri aldığı möhür üzüyünü götürüb Mordokaya verdi. Ester də Hamanın hər şeyi üzərində idarəçiliyə Mordokayı təyin etdi. 45 3 [3] Ester yenə padşahla danışdı. Onun ayaqlarına düşdü, Hamanın pisliyini və Yəhudilərə etdiyi şeyi ləğv etməkdən ötrü ona yalvardı. 4 [4] Beləcə, padşah qızıl əsasını Esterə tərəf uzatdı. Ester də qalxıb padşahın önündə dayandı. 5 [5] Ester dedi: «Əgər bu, sənə məqbul olsa və gözündə lütf tapsam, sənin padşahlığında olan Yəhudiləri məhv etmək barədə yazılmış Haman tərəfindən göndərilən məktubların səlahiyyətini ləğv etmək üçün fərman göndər. 6 [6] Xalqımın zülm çəkdiyini görərək necə davam gətirə bilərəm? Mənim tayfam məhv olduğu halda mən onların arasından xilas olub necə davam gətirə bilərəm?» 7 [7] Onda padşah Esterə dedi: «Əgər mən Hamanın bütün mülkiyyətini verib sənə bəxş etdimsə, Yəhudilərə sui-qəsd hazırladığı üçün onu dirəkdən asdırdımsa, daha nə əldə etmək istəyirsən? 8 [8] Siz də mənim adımdan özünüzə məqbul olanı yazın. Mənim möhür üzüyümlə ona möhür vurun. Çünki padşahın əmri olaraq yazılmış və mənim möhür üzüyümlə möhür vurulmuş fərmanın əleyhinə çıxmaq olmaz». 9 [9] Elə həmin il Nisan adlanan birinci ayın iyirmi üçüncü günü mirzələr çağırıldı və onlar Yəhudilərə yazdılar; bu, Hindistandan Həbəşistana qədər idarəçilərə və vilayət başçılarına, yüz iyirmi yeddi vilayətə ayrı-ayrılıqda və hər birinin öz dilində verilən əmr barədə idi. 10 [10] Bunlar padşahın adından yazıldı, onun möhür üzüyü ilə möhürləndi və məktublar qasidlər vasitəsilə göndərildi. 11 [11] Padşah Yəhudilərə belə əmr etdi ki, bütün şəhərlərdə öz qanunlarına uyğun yaşasınlar, bir-birlərinin köməyinə gəlsinlər, öz əleyhdarları və rəqibləri ilə istədikləri kimi rəftar etsinlər. 12 [12] Bu əmr Axaşveroşun padşahlığının bütün ərazisində bir gün ərzində – Adar adlanan on ikinci ayın on üçüncü günündə qüvvəyə mindi. Yüklə 0,96 Mb. Dostları ilə paylaş:
|