Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Mattatiya
bütpərəst qurban mərasimində iştirakdan imtina edir 15 Əhalini zorla dinindən döndərməyə məsul olan padşah qasidləri Modin şəhərinə gəldilər ki, onları qurban gətirməyə məcbur etsinlər. 16 Bir çox İsrailli gələnlərin yanına yığıldı, Mattatiya və oğulları da bir yerə toplaşdılar. 17 Padşah qasidləri Mattatiyaya müraciət edib belə dedilər: «Sən bu şəhərdə başçı, hörmətli və böyük adamsan, oğulların və qardaşların da sənə dayaqdır. 18 İndi gəl ilk olaraq padşahın əmrini sən icra et; bütün millətlər, Yəhuda kişiləri, Yerusəlimdə qalanlar bunu etdilər. Sən və oğulların padşahın dostları arasında olarsınız, özünü və oğullarını qızıl- gümüşlə, çoxlu sovqatlarla şərəfləndirərik». 19 Mattatiya uca səslə ona cavab verib dedi: «Əgər padşahın səltənətində yaşayan bütün millətlərin hər biri öz atalarının dinindən dönüb padşahın əmrinə itaət etməyi seçsələr, 20 mən, oğullarım və qardaşlarım öz atalarımızın əhdinə riayət edəcəyik. 21 Qoy Allah bizi qanunumuzu və qaydalarımızı tərk etməkdən qorusun. 22 Biz padşahın sözünə itaət etməyəcəyik, öz dinimizdən nə sağa, nə də sola sapmayacağıq». 23 O, sözünü bitirən kimi bir nəfər Yəhudalı kişi hamının gözü önündə padşahın əmrinə görə Modendə olan qurbangahda qurban gətirmək üçün irəli çıxdı. 24 Bunu görəndə Mattatiyanı təəssüb bürüdü, içi qaynadı, haqlı olaraq qəzəbi yüksəldi və yüyürüb qurbangahın üzərində həmin adamı öldürdü. 25 Həmçinin qurban gətirməyə məcbur edən padşah vəzifəlisini də öldürüb qurbangahı dağıtdi. 26 O, Salu oğlu Zimriyə qarşı Pinxasın etdiyi kimi qanunun təəssübünü çəkdi. 27 Sonra Mattatiya uca səslə şəhərdə car çəkərək dedi: «Qanunun təəssübünü çəkən və əhdə bağlı qalan hər kəs ardımca gəlsin». 28 Mattaiya və onun oğulları dağlara qaçdılar və bütün əmlaklarını şəhərdə qoyub getdilər. Yüklə 0,96 Mb. Dostları ilə paylaş:
|