Deuterokanonik kitabları Yoxlama versiyası

Mattatiyanın vəsiyyəti və ölümü
49 Mattatiyanın ölüm günləri yaxınlaşırdı.
O, öz oğullarına dedi:
 
«İndi dikbaşlıq və fəsad güclənmişdir, 
viranəlik və qızğın qəzəb zamanıdır. 
50 Beləcə, övladlarım, qanunun 
təəssübünü çəkin və atalarımızın əhdi 
naminə canınızdan keçin.
 
51 Atalarımızın öz nəsilləri arasında etdiyi 
işləri yada salın.
Onda böyük izzət və əbədi ad qazanarsınız.
52 Məgər İbrahim sınağa çəkildikdə
İmanlı olduğu bilinmədimi?
Bu, ona salehlik sayılmadımı?
53 Yusif çətin günlərində qanunun əmrinə 
riayət etdiyinə görə
Misirin ağası oldu.
54 Atamız Pinxas qeyrətlə təəssüb 
çəkdiyinə görə
Əbədi kahinlik əhdini əldə etdi.
55 Yeşua tapşırığı yerinə yetirdiyinə görə
İsrailin hakimi oldu.
56 Kalev camaat qarşısında şəhadətinə 
görə
Torpağı irs olaraq aldı.
57 Davud mərhəmətli olduğuna görə
Padşahlıq taxtını əbədi olaraq irs aldı.
58 İlyas qeyrətlə qanunun təəssübünü 
çəkdiyinə görə
Göylərə qaldırıldı.
59 Xananya, Azarya və Mişael
İmanları sayəsində alovda yanmadılar.
60 Daniel səmimi olduğuna gorə
Şirlərin ağzından xilas odu.
61 Beləcə diqqət edin ki, nəsildən-nəslə
Ona ümid edən hər kəs taqətdən 
düşməyəcək.
62 Günahkar adamın hədələrindən 
qorxmayın,
Çünki onun izzəti peyinə dönəcək və 
qurdlanacaq.
54

---

63 O, bu gün ucaldılsa da, sabah izi 
qalmayacaq,
Çünki əvvəlcə olduğu toza çevriləcək,
Düşüncələri itib gedəcək.
64 Övladlarım, kişi kimi davranın,
Qanunda möhkəm dayanın,
Çünki onun vasitəsilə izzətə çatacaqsınız.
 
65 İndi isə qardaşınız Şimonun məsləhətdə
mahir   olduğunu   bilirəm;   ömrü   boyu   ona
qulaq asın, qoy sizə atalıq etsin. 66 Yəhuda
Makkabi  isə  cavanlığından  bəri  qüvvətdə
üstündür.   Qoy   o,   qoşun   başçınız   olsun,
başqa xalqlara qarşı döyüşə rəhbərlik etsin.
67 Həmçinin   qanuna   riayət   edənlərin
hamısını   səfərbər   edib   xalqınızın   qisasını
alın.   68 Bütpərəstlərdən   əvəz   çıxın   və
qanunun   göstərişlərinə   diqqət   edin».
69 Sonra  Mattaiya onlara  xeyir-dua  verdi
və atalarına qovuşdu. 70 O, yüz qırx altıncı
ildə   öldü   və   Modində   əcdadlarının
məzarlığında   dəfn   olundu.   Bütün   İsrail
onun üçün böyük yas tutdu.
3