Deuterokanonik kitabları Yoxlama versiyası

Farslara   və   Yəhudeyaya   qarşı
müharibəyə hazırlıq
27 Padşah  Antiox   bu   söhbətləri   eşidəndə
qəzəbindən alışıb-yandı və xəbər göndərib
padşahlığının   bütün   qüvvələrini   –   çox
güclü  bir  qoşun topladı. 28 O,  xəzinəsini
açıb əsgərlərinə bir illik məvacib verdi və
onlara   ehtiyac   olduğu   halda   hazır
olmalarını əmr etdi. 29 Amma xəzinəsində
pulun   qalmadığını   və   ölkədə   vergi
vəsaitinin   azaldığını   gördü;   bunun   da
səbəbi   onun   əzəldən   bəri   mövcud   olan
qaydaları ləğv edərək bu torpağa gətirdiyi
nifaq   və   fəlakət   idi.   30 Əlindəki   vəsaitin
bir-iki   dəfədən   artıq   xərclərə   və
hədiyyələrə çatmayacağından ehtiyat etdi;
əvvəllər özündən qabaqkı padşahları geridə
qoyaraq səxavətlə hədiyyə paylamağı adət
etmişdi. 31 Ürəyi çox narahat olaraq Fars
ölkəsinə   getməyi,   ölkələrdən   xərac   yığıb
çoxlu pul toplamağı qərara aldı. 32 Fərat
çayından Misir hüdudlarına qədər padşah
işlərini   idarə   etməyi   məşhur   adam   və
padşah nəslindən olan Lisiyaya həvalə etdi.
33 Qayıdana   qədər   oğlu   Antioxun   da
qayğısına   o   qalmalı   idi.   34 Həmçinin
qoşunun yarısının və fillərin ixtiyarını ona
verdi,   nəzərdə   tutduğu   hər   şey   barədə,
xüsusilə   də   Yəhudeya   və   Yerusəlim
sakinlərinə   dair   göstəriş   verdi:   35 ta   ki
İsrailin   qüdrətini   və  Yerusəlimdəki   qalan
əhalini əzib yox etmək və onların o yerdən
adını   silmək   üçün   onlara   qarşı   qoşun
göndərsin;   36 onların   bütün   ərazisində
yadelliləri   yerləşdirsin   və   torpaqlarını
bunların   arasında   bölüşdürsün.   37 Padşah
özü isə qoşunun qalan yarısını götürüb öz
paytaxtı olan Antakyadan yola düşdü; bu,
yüz qırx yeddinci ildə oldu. O, Fərat çayını
keçərək yuxarı ölkələrə səfər etdi.