Deuterokanonik kitabları Yoxlama versiyası

Yəhudilər Mispada toplaşır
46 Yəhudilər   toplaşıb   Yerusəlimin   qarşı
tərəfində   olan   Mispaya   getdilər,   çünki
əvvəllər İsrailin dua yeri Mispada idi. 47 O
gün   oruc   tutdular,   çula   büründülər,
başlarına   kül   tökdülər   və   paltarlarını
cırdılar.   48 Onlar   Qanun   kitabını   açdılar;
bütpərəstlər,   üzərində   öz   bütlərinin
təsvirini   çəkmək   üçün   bu   kitabı
axtarırdılar.   49 Kahin   geyimlərini,
məhsulun   novbarını   və   ondabirləri
gətirdilər, əhdlərini tamamlamış Nəziriləri
ayağa   qaldırdılar.   50 Sonra   göylərə   tərəf
fəryad qaldıraraq dedilər: «Bu adamlara nə
edək?   Onları   hara   aparaq?   51 Ya   Rəbb,
Sənin   müqəddəs   məskənin   tapdalanıb
murdarlanır,   Sənin   kahinlərin   matəm   və
həqarət içindədirlər. 52 Budur, bütpərəstlər
bizi   məhv   etmək   üçün   toplaşırlar.   Bizim
əleyhimizə   nələr   düşündüklərini   Sən
bilirsən.   53 Sən   bizim   köməyimizə
gəlməsən, onlara necə müqavimət göstərə
bilərik?»   54 Onlar   boruları   çaldılar   və
böyük   səs   qaldırdılar.   55 Bundan   sonra
Yəhuda   xalqa   başçılar   –   minbaşılar,
yüzbaşılar,   əllibaşılar   və   onbaşılar   təyin
etdi.   56 Ardından   ev   tikənlərə,   nişanlı
olanlara,   üzümlük   salanlara   və   cəsarətsiz
olanlara   söylədilər   ki,   qanuna   əsasən,
onların   hər   biri   evinə   qayıtsın.   57 Sonra
qoşun   çıxıb   Emmausun   cənubunda
ordugah   qurdu.   58 Yəhuda   dedi:   «Silaha
qurşanın,   cəsur   olun!   Səhər   erkən   bu
bütpərəstlərlə döyüşməyə hazır olun; onlar
bizə qarşı yığılıb bizi və məbədimizi məhv
etmək   istəyirlər.   59 Millətimizin   və
məbədimizin   fəlakətini   görməkdənsə
döyüşdə ölmək bizim üçün daha yaxşıdır.
60 Göylərin iradəsi nədirsə, o da olacaq».
4