Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Lisiyanın ilk döyüşü
26 Yadellilərdən sağ qurtulan bir çoxu isə gəlib bütün olanlar barədə Lisiyaya məlumat çatdırdılar. 27 O, bunu eşidəndə narahat olub çaşqınlığa düşdü. Çünki İsraillə bağlı işlər istədiyi kimi getməmişdi, padşahın əmrinə uyğun nəticə əldə edilməmişdi. 28 Növbəti il Lisiya Yəhudiləri məğlub etmək üçün altmış min seçmə piyada və beş min süvari qoşun çağırdı. 29 Onlar Edoma gəlib Bet-Surda ordugah qurdular. Orada Yəhuda on min adamla onlarla qarşılaşdı. 30 Yəhuda güclü qoşunu görəndə dua edib dedi: «Ey İsrailin Xilaskarı, Sənə alqış olsun! Sən qulun Davudun qüvvətli əli ilə həmləni dağıtdın, yadellilərin orduğahını Şaul oğlu Yonatana və silahdaşıyanına təslim etdin. 31 Bu ordugahı da Sənin xalqın olan İsrailin çənginə təslim et. Qoy onların qoşunu və süvariləri rüsvay olsunlar. 32 Onları ürkəkliyə sal, güclərinə görə olan cəsarətlərini yox et, məğlubiyyətlərindən lərzəyə gəlsinlər. 33 Qoy onlar Səni sevənlərin qılıncı ilə həlak olsunlar. Sənin adını bilənlər Səni ilahilərlə həmd etsinlər». 34 Qoşunlar döyüşə girdi. Lisiyanın qoşunundan beş min əsgər öldürüldü; onlar goşunun önündə həlak oldular. 35 Lisiya öz qoşununun geriyə qaçdığını, Yəhudanın döyüşçülərinin isə igidliyini, ya yaşamağa, ya da igidliklə ölməyə hazır olduqlarını görəndə Antakyaya çəkildi. O, yadelli muzdlulardan ibarət çoxsaylı qoşun topladı ki, yenə Yəhudeyanın üstünə getsin. Yüklə 0,96 Mb. Dostları ilə paylaş:
|