Deuterokanonik kitabları Yoxlama versiyası

Məbədin təmizlənməsi və təqdis edilməsi
36 Onda   Yəhuda   və   onun   qardaşları
dedilər:   «Artıq   düşmənlərimizi   məğlub
etdik,   indi   gedib   məbədi   təmizləyək   və
təqdis edək». 37 Bütün qoşun toplaşıb Sion
dağına   qalxdı.   38 Orada   məbədin   boş
qaldığını,   qurbangahın   murdarlandığını,
58

---

qapıların yandırıldığını gördülər; həyətləri
meşə, yaxud hansısa dağ kimi ot basmışdı,
kahinlərin   otaqları   dağıdılmışdı.   39 Onlar
paltarlarını cırıb böyük hüznlə yas tutdular
və   üstlərinə   kül   tökdülər.   40 Üzüstə   yerə
qapandılar,   siqnal   borularını   çaldılar   və
göylərə   fəryad   qaldırdılar.   41 Onda
Yəhuda   adamlarına   əmr   etdi   ki,   məbəd
təmizlənənə   qədər   iç   qalada   olanlarla
döyüşsünlər. 42 O, qüsursuz, qanuna ciddi
riayət   edən   kahinlər   seçdi.   43 Onlar
məbədi   təmizlədilər   və   murdarlanmış
daşları natəmiz yerə daşıdılar. 44 Yandırma
qurbanı verilən murdarlanmış qurbangaha
dair   müzakirə   apardılar   ki,   onunla   nə
etsinlər.   45 Ondaca   yaxşı   bir   qərara
gəldilər ki, onu dağıtsınlar, ta ki nə vaxtsa
onların   məzəmmət   edilməsinə   bais
olmasın;   cünki   bütpərəstlər   onu
murdarlamışdılar.   Beləcə,   qurbangahı
dağıtdılar.   46 Daşları   məbədin   olduğu
dağda   lazımi   yerə   qoydular;   ta   ki
peyğəmbər gəlib bu daşlar barədə bildirsin.
47 Qanunun   buyurduğu   kimi,   kəsilməmiş
daşlar götürdülər və əvvəldə olduğu kimi
yeni   bir   qurbangah   tikdilər.   48 Həmçinin
Müqəddəs   yeri   və   məbədin   içini   bərpa
etdilər,   həyətləri   təqdis   etdilər.   49 Yeni
müqəddəs   qablar   düzəltdilər,   çıraqdanı,
buxur   qurbangahını   və   masanı   məbədin
içərisinə   gətirdilər.   50 Qurbangahda   ətirli
buxur   yandırdılar,   çıraqdanın   üzərindəki
çıraqları   yandırdılar   və   məbədin   içərisini
işıqlandırdılar.   51 Masanın   üzərinə
çörəklər   qoydular,   pərdələri   asdılar   və
başladıqları   bütün   işləri   bitirdilər.
52 Doqquzuncu   ay   olan   Kislev   ayının
iyirmi   beşində,   yüz   qırx   səkkizinci   ildə
onlar səhər erkən qalxıb 53 yeni qurduqları
yandırma   təqdimləri   qurbangahının
üzərində qanunun buyurduğu kimi qurban
təqdim
 
etdilər.
 
54 Bütpərəstlərin
qurbangahı   murdarladığı   həmin   tarixdə,
məhz həmin gündə o, ilahilərın, çənglərin,
liraların   və   sinclərin   müşayəti   ilə   təqdis
edildi. 55 Bütün xalq üzüstə düşub səcdə
etdi   və   onlara   uğur   qazandıran   Göylərə
alqış   etdilər.   56 Qurbangahın   təqdis
edilməsini səkkiz gün qeyd etdilər, fərəhlə
yandırma   qurbanları   təqdim   etdilər,   xilas
və şükür qurbanı gətirdilər. 57 Məbədin ön
hissəsini   qızıl   taclarla   və   qalxanlarla
bəzədilər,   darvazalarla   kahin   otaqlarını
bərpa   etdilər   və   ora   qapılar   qoydular.
58 Xalq   çox   böyük   fərəh   içində   idi   və
bütpərəstlərin onlara həqarət etməsinə son
qoyulmuşdu.   59 Onda   Yəhuda,   onun
qardaşları   və   bütün   İsrail   camaatı   qərar
verdilər ki, qurbangahın təqdis günləri hər
il   həmin  mövsümdə   Kislev   ayının  iyirmi
beşindən   başlayaraq   səkkiz   gün   ərzində
fərəh   və   sevinclə   qeyd   edilsin.   60 Elə
həmin   vaxt   Yəhudilər   Sion   dağının
ətrafında   hündür   divarlar   və   möhkəm
qüllələr tikdilər ki, bütpərəstlər nə vaxtsa
gəlib   müqəddəs   şeyləri   onları   əvvəl
etdikləri   kimi   tapdaq   altına   salmasınlar.
61 Yəhuda   oraya   dağı   qoruyacaq   qoşun
yerləşdirdi və dağın qorunması məqsədi ilə
Bet-Suru da möhkəmləndirdi ki, xalq üçün
Edomun qarşısında dayanan bir qala olsun.
5