Deuterokanonik kitabları Yoxlama versiyası

Edomlular və Ammonlularla müharibə
1 Ətrafdakı millətlər qurbangahın yenidən
tikildiyini və əvvəl olduğu kimi məbədin
təqdis   edildiyini   eşidəndə   bərk
hiddətləndilər. 2 Onlar aralarında yaşayan
Yaqub   nəslinin   övladlarını   məhv   etmək
qərarına   gəldilər   və   bu   xalqdan   olanları
öldürməyə və qovmağa başladılar. 3 Onda
Yəhuda   Edomda   Esav   övladları   ilə
Akrabattene   ərazisində   döyüşürdü,   çünki
onlar   İsrailliləri   mühasirəyə   almışdılar.
Yəhuda   onları   böyük   məğlubiyyətə
uğradıb   zəiflətdi   və   onlardan   qənimət
59

---

götürdü. 4 O, Beanlıların etdiyi pisliyi də
yada saldı; onlar yollarda pusqu qurmaqla
xalqı tora və tələyə salırdılar. 5 Onlar onun
önündə   qüllələrdə   qapanıb   qalsalar   da,
Yəhuda   onların   üzərinə   qoşun   çəkdi,
onlara   lənət   edib   qüllələrinə   od   vuraraq
orada olan bütün adamlarla birgə yandırdı.
6 Sonra o, Ammonluların üzərinə getdi və
Timoteyin başçılıq etdiyi güclü qüvvə və
böyük kütlə ilə qarşılaşdı. 7 Onlarla çoxlu
döyüşlər   apardı,   düşmənlər   onun
qarşısında məğlub oldular və onlara zərbə
vurdu.   8 Yəhuda   Yazeri   və   onun
ətrafındakı kəndləri ələ keçirdikdən sonra
Yəhudeyaya qayıtdı.