Yəhuda Makkabinin Yerusəlimdəki iç qalanı mühasirəyə alması 18 Bu arada iç qalada olan adamlar
məbədin ətrafındakı İsrailliləri sıxıntı
altında saxlayırdılar. Onlara hər fürsətdə
pislik etməyə səy edir və bütpərəstlərə
dəstək olurdular. 19 Yəhuda onları yox
etməyi qərara aldı və onları mühasirəyə
almaq üçün bütün xalqı çağırdı.
20 Yəhudilər toplaşıb onları mühasirəyə
aldılar; bu, yüz əllinci ildə oldu. Onlar atıcı
alətlər üçün mövqelər və döyüş qurğuları
hazırladılar. 21 Amma mühasirədə
olanların bir hissəsi oradan çıxdı. İsraildən
bəzi dinsizlər də onlara qoşuldular.
22 Onlar padşahın yanına gedib dedilər:
«Nə vaxta qədər ədaləti icra edib
soydaşlarımızın qisasını almayacaqsan?
23 Atanıza xidmət etdiyimizə, onun
göstərişlərinə riayət etdiyimizə və
əmrlərinə əməl etdiyimizə görə çox şadıq.
24 İç qalanı bizim xalqımızın övladları
mühasirəyə alıblar. Onlar bizi yad sayır və
aramızdan tapdıqları adamları öldürür və
mirasımızı qarət edirlər. 25 Onlar yalnız
bizə deyil, həm də özlərinə aid bütün
ərazilərə əl atırlar. 26 Budur, onlar bu gün
Yerusəlimdəki iç qalanı ələ keçirmək üçün
mühasirəyə alıblar, məbədi və Bet-Suru isə
möhkəmləndiriblər. 27 Əgər cəld onların
qabağını almasan, daha böyük işlər
edəcəklər və onda sən daha onları
saxlamağı bacarmayacaqsan».
