Deuterokanonik kitabları Yoxlama versiyası

Antiox   Evpatorun   və   Lisiyanın   döyüşə
getməsi
28 Padşah   bunları   eşidəndə   qəzəbləndi,
bütün   dostlarını,   qoşun   başçılarını   və
süvari   başçılarını   topladı.   29 Başqa
padşahlıqlardan və dənizlərdəki adalardan
muzdlu   əsgərlər   onun   yanına   gəldilər.
30 Onun qoşununun sayı yüz min piyada,
iyirmi   min   süvari   və   döyüş   təlimi   almış
otuz   iki   fildən   ibarət   idi.   31 Edomun
içindən keçib Bet-Suru mühasirəyə aldılar.
Uzun   müddət   döyüşdülər   və   döyüş
qurğuları
 
hazırladılar.
 
Amma
mühasirədəkilər   çıxaraq   onlara   od   vurub
yandırdılar   və   igidliklə   döyüşdülər.
32 Bundan   sonra   Yəhuda   iç   qaladan
çəkildi və padşahın ordugahının qarşısında
Bet-Zaxaryada   ordugah   qurdu.   33 Padşah
da   səhər   erkən   qalxıb   tələsik   qoşunu   ilə
birgə Bet-Zaxaryaya gedən yolla irəlilədi.
Qoşunlar   döyüşə   hazırlaşıb   boruları
63

---

çaldılar.   34 Filləri   döyüşə   təşviq   etmək
üçün onlara üzüm və tut şirəsi göstərildi.
35 Bu   heyvanları   dəstələrə   ayırdılar.   Hər
filin   ətrafına   halqalı   zireh   geymiş   və
başlarına tunc dəbilqə qoymuş min əsgər
yerləşdirdilər,   bundan   başqa,   hər   filə   beş
yüz   seçmə   süvari   təyin   olunmuşdu.
36 Döyüşçülər   qabaqca   fillərin   olduğu
yerdə   hazır   olurdular,   onların   yanından
çəkilməyərək   getdikləri   yerə   gedirdilər.
37 Hər   heyvanın   üstündə   onu   örtən
möhkəm taxta qüllə var idi və onun üzəri
qoşqu   ilə   dövrələnmişdi.   Bunlardan   hər
birində   də   dörd   güclü   adam   var   idi   ki,
bunların üzərində döyüşürdülər, həmçinin
hər   filin  Hindli  sürücüsü   vardı.   38 Qalan
süvarilər isə qoşunun hər iki cinahında – o
tərəf-bu   tərəfdə   yerləşdirilmişdilər;   onlar
işarə   verməli   və   döyüş   sıralarını
möhkəmləndirməli idilər. 39 Günəşin işığı
qızıl   və   tunc   qalxanlarda   parlayanda
bunlardan   dağlar   da   parıldadı   və   odlu
çıraqlar   kimi   işıq   saçdı.   40 Padşah
qoşununun bir hissəsi dağların üzərinə, o
biri   hissəsi   isə   vadiyə   yayılmışdı.   Onlar
inamla və nizamla irəliləyirdilər. 41 Çoxlu
kütlənin   səs-küyünü,   böyük   qoşunun
yürüşünü, əsləhələrin toqquşmasını eşidən
hər kəs lərzəyə düşürdü, çünki qoşun çox
böyük   və   güclü   idi.   42 Yəhuda   və   onun
qoşunu döyüşmək üçün meydana girdi və
padşah   qoşunundan   altı   yüz   nəfər   həlak
oldu. 43 Avaran adlanan Eleazar fillərdən
birinin   padşah   zirehi   ilə   örtüldüyünü   və
başqalarından   üstün   olduğunu   görəndə
padşahın   onun   üzərində   olduğunu   zənn
etdi.   44 Xalqının   xilası   naminə   o,   özünü
fəda etdi və özünə əbədi bir ad qazandı.
45 Cəsarətlə filin üzərinə, sıranın ortasına
hücum   etdi;   sağa-sola   ölüm   saçırdı   və
düşmən onun qabağından o tərəf-bu tərəfə
dağıldı. 46 O, filin altına atıldı, altdan ona
qılıncla zərbə vurub onu öldürdü. Fil yerə,
onun   üstünə   yıxıldı   və   o   da   öldü.
47 Yəhudilər   padşahın   gücünü   və
qoşununun   qüvvəsini   görüb   onların
qabağından geri çəkildilər.