Məbədə qarşı hədə-qorxu 33 Bu hadisələrdən sonra Nikanor Sion
dağına qalxdı. Kahinlərdən və xalqın
ağsaqqallarından bəzisi məbəddən çıxdılar
ki, onu sülhlə salamlasınlar və padşah üçün
təqdim edilən yandırma qurbanlarını ona
göstərsinlər. 34 Amma Nikanor lağa qoyub
onlara güldü, onları murdarladı və
təkəbbürlə danışdı. 35 And içib qəzəblə
dedi: «Əgər indi Yəhuda və onun qoşunu
mənə təslim edilməsə, mən sülhlə geri
qayıdan kimi bu evə od vuracağam!»
Sonra böyük qəzəb içində oranı tərk etdi.
36 Onda kahinlər içəri girərək qurbangahın
və məbədin önündə durub ağladılar və
dedilər: 37 «Sən, ya Rəbb, bu evi seçdin
ki, Sənin adın onun üzərində çağırılsın, o,
dua evi və xalqın təmənna yeri olsun.
38 Bu adamdan və onun qoşunundan qisas
al, qoy qılıncdan keçirilsinlər. Küfrlərini
xatırla və onlara möhlət vermə».
