Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Bet-Basinin mühasirəsi
58 Onda qanunu tanımayanların hamısı məşvərət edib dedilər: «Budur, Yonatan və tərəfdarları əmin-amanlıqla sakitlik içində yaşayırlar; indi Bakxidi gətirək, qoy bir gecədə onların hamısını tutsun». 59 Gedib Bakxidlə məsləhət etdilər. 60 Bakxid çoxsaylı bir qoşunla yola çıxdı və Yəhudeyada olan bütün müttəfiqlərinə gizlicə məktublar göndərdi ki, onlar Yonatanı və tərəfdarlarını tutsunlar. Amma bunu edə bilmədilər, çünki onların 70 niyyətlərini bildilər. 61 Yonatan və tərəfdarları ölkənin əhalisi arasında bu şər işə başçılıq edənlərdən əlliyə qədər adamı tutub öldürdülər. 62 Bundan sonra Yonatan, Şimon və onların tərəfdarları çöllükdə olan Bet-Basiyə getdilər, oranın dağıdılmış yerlərini bərpa edib şəhəri möhkəmləndirdilər. 63 Bakxid bunu biləndə bütün qoşununu topladı və Yəhudeyada olan tərəfdarlarına da göstəriş verdi. 64 Sonra irəliləyib Bet-Basini mühasirəyə aldı. Oraya qarşı uzun müddət döyüşdü və döyüş qurğuları hazırladı. 65 Yonatan isə qardaşı Şimonu şəhərdə qoyub özü az sayda əsgərlə ölkəni dolaşmağa getdi. 66 O, Odomera və onun qardaşlarına, Fasironun övladlarına öz çadırlarında ikən zərbə vurdu. Onları qırmağa başladılar və hərbi qüvvə ilə hücuma keçdilər. 67 Onda Şimon və yanındakılar şəhərdən çıxıb döyüş qurğularına od vurdular. 68 Bakxidə qarşı döyüşdülər və o, Yəhudilər tərəfindən darmadağın olundu. Beləcə, onu olduqca məyus etdilər, çünki onun niyyəti və yürüşü nəticəsiz oldu. 69 Bakxid ona bu ölkənin üzərinə getməyi məsləhət görən qanunu tanımayan adamlara olduqca qəzəbləndi, onlardan çoxunu öldürdü və sonra öz torpağına qayıtmağı qərara aldı. 70 Yonatan bunu biləndə ağsaqqalları onun yanına göndərdi ki, onunla sülh müqaviləsi bağlasın və əsirləri geri qaytarsın. 71 Bakxid bu təklifi qəbul etdi, onun sözlərinə əməl etdi və bütün ömrü boyu ona qarşı hec bir pisliyə cəhd etməyəcəyinə and içdi. 72 O, əvvəllər Yəhuda torpağında əsir aldığı adamları ona qaytardı. Oradan çıxıb öz torpağına qayıtdı və onların hüdudlarına bir daha gəlmədi. 73 İsrail müharibədən dinclik tapdı. Yonatan Maxmasda sakin oldu. O, xalqa hakimlik etməyə başladı və İsraildə dinsizləri yox etdi. 10 Yüklə 0,96 Mb. Dostları ilə paylaş:
|