Deuterokanonik kitabları Yoxlama versiyası

Dimitridən Yonatana məktub
22 Dimitri bu xəbəri eşidəndə narahat olub
dedi:   23 «Biz   nə   üçün   imkan   verdik   ki,
Aleksandr   bizi   qabaqlayaraq   dəstək   üçün
Yəhudilərin   dostluğunu   qazandı?   24 Mən
də onlara ruhlandırıcı sözlər, tərif və bəxşiş
verəcəyimi   yazacağam   ki,   qoy   mənə
kömək   olsunlar».   25 Onlara   bu   sözlərlə
məktub yazdı: «Padşah Dimitridən Yəhudi
millətinə   salam   olsun!   26 Bizimlə
bağladığınız   müqaviləyə   əməl   etdiyinizi,
bizimlə   dostluq   əlaqələrinizi   davam
etdirdiyinizi   və   düşmənlərimizin   tərəfini
tutmadığınızı   eşidərək   məmnun   olduq.
27 İndi   də   bizə   sadiq   qalmaqda   davam
edin, bizim üçün etdiklərinizin əvəzini biz
də   sizə   xeyirxahlıqla   ödəyərik.   28 Sizə
çoxlu imtiyazlar verərik və sizə bəxşişlər
verərik. 29 Bundan belə, sizə icazə verərək
bütün   Yəhudiləri   vergilərdən,   duz
rüsumundan   və   tac   üçün   qoyulan
ödənişdən azad edirəm. 30 Mənim payıma
düşən   əkin   üçün   toxumun   üçdə   birini,
ağacların   məhsulunun   yarı   hissəsini   bu
gündən  başlayaraq  bundan  sonraya  qədər
Yəhudi   torpağından,   həmçinin   Samariya
və   Qalileyadan   ona   birləşdirilmiş   üç
bölgədən   götürməyi   ləğv   edirəm;   bu
gündən əbədi dövrə qədər bu, qüvvədədir.
31 Qoy   Yerusəlim   müqəddəs   və   azad
olsun, bu, onun hüdudlarına, ondabirlərinə
və   gəlirlərinə   də   aiddir.   32 Yerusəlimin
içqalasına   nəzarət   etmək   səlahiyyətini   də
sizə   həvalə   edirəm,   baş   kahinə   oranı
qorumaq   üçün   özünün   seçdiyi   adamları
orada   qoymaq   hüququnu   verirəm.
33 Padşahlığımın   hər   yerində   Yəhuda
torpağından   əsir   götürülən   Yəhudilərdən
olan   hər   kəsi   fidyə   ödənmədən   azadlığa
buraxıram.   Qoy   hamı   özü   və   mal-qarası
üçün   ödədiyi   vergidən   azad   edilsin.
34 Bütün   bayramlar,   Şənbə   günləri,   təzə
ay,   təyin  olunmuş  günlər,  bayram   qabağı
və   sonrakı   üç   gün   padşahlığımda   olan
bütün Yəhudilər üçün güzəşt və bağışlama
günləri olsun. 35 Kimsənin heç bir işə görə
onlara  zülm  etməyə  ya  da  onları  narahat
etməyə,   ixtiyarı   olmayacaq.   36 Qoy
Yəhudilərdən   otuz   min   nəfər   padşahın
qoşunlarına yazılsın. Onlara bütün padşah
qoşunlarında   olanlara   uyğun   təminatlar
veriləcək. 37 Qoy onlardan bəzisi padşahın
böyük   qalalarında   yerləşdirilsin,   onlardan
olan   adamlara   padşahlığın   etibar   olunan
işləri   həvalə   olunsun.   Onların   üzərində
olanları   və   başçıları   qoy   öz   aralarından
olsun.   Padşahın   Yəhuda   torpağında   əmr
etdiyi kimi, qoy onlar öz qanunlarına riayət
etsinlər.   38 Samariya   vilayətindən
Yəhudeyaya   birləşdirilmiş   üç   bölgəyə
72

---

gəlincə,   qoy   onlar  Yəhudeyaya   birləşmiş
qalsın və bir idarəçilik hesab olunaraq baş
kahinin   səlahiyyətindən   başqa   heç   kimə
tabe   olmasın.   39 Ptolemaidanı   ətrafı   ilə
birlikdə Yerusəlimdəki məbədin məsrəfləri
üçün   məbədə   hədiyyə   verirəm.
40 Həmçinin   mən   sizə   mülkiyyətdəki
yerlərdən toplanan padşah hesabından hər
il   on   beş   min   şekel   gümüş   verirəm.
41 Əvvəlki   illərdə   idarəçilərin   gəlirdən
ödəmədiyi yığılıb-qalan bütün pulları onlar
bundan sonra məbədin işlərinə verəcəklər.
42 Bundan   əlavə,   illik   hesaba   görə,
məbədin   gəlirindən   götürülən   beş   min
şekel gümüş də xidmət işi görən kahinlər
üçün   buraxılsın.   43 Padşah   xəzinəsinə
borcu olduğuna və ya başqa səbəblərə görə
Yerusəlimdəki məbədə və ya onun bütün
ərazisinə   qaçıb   sığınan   hər   kəs
padşahlığımda   özünə   məxsus   olan   hər
şeydən   azad   şəkildə   istifadə   edə   bilər.
44 Məbədin   tikilməsi   və   bərpası   işinin
xərcləri də padşah hesabından ödəniləcək.
45 Yerusəlim   divarlarının   tikilməsi   və
ətrafına   istehkam   çəkilməsinin   xərcləri
padşah   hesabından   ödəniləcək;   bu,
Yəhudada   divarların   tikilməsinə   də
aiddir».