Deuterokanonik kitabları Yoxlama versiyası

Yonatan düşmənlərinin əlinə düşür
39 Bu arada Trifon Suriya padşahı olmağa,
başına tac qoymağa və padşah Antioxa əl
qaldırmağa   səy   göstərirdi.   40 Amma
Yonatanın   ona   əngəl   yaradacağından   və
onunla   müharibə   edəcəyindən   ehtiyat
edirdi.   Buna   görə   də   Yonatanı   tutub
öldürmək üçün fürsət axtarırdı. Beləcə, o
qalxıb   Bet-Şeana   getdi.   41 Yonatan   qırx
min seçmə nizami əsgərlə onun qarşısına
çıxdı   və   Bet-Şeana   gəldi.   42 Trifon
Yonatanın   çoxsaylı   qoşunla   gəldiyini
görəndə   ona   əl   qaldırmağa   ehtiyat   etdi.
43 Buna görə də onu təntənə ilə qəbul etdi
və   bütün   dostlarına   təqdim   etdi.   Ona
bəxşişlər   verdi   və   öz   dostlarına   və
qoşununa əmr etdi ki, özünə tabe olduqları
kimi   ona   da   tabe   olsunlar.   44 Sonra
Yonatana dedi: «Nə üçün bütün bu xalqı
yorursan?   Bizi   ki   müharibə   gözləmir.
45 İndi   onları   evlərinə   göndər,   özünə   isə
yanında   olacaq   az   sayda   adam   seç   və
mənimlə Ptolemaidaya gedək. Mən oranı,
başqa   qalaları,   qalan   qoşunları   və   bütün
məmurları   sənə   təhvil   verərəm   və   sonra
qayıdaram.   Çünki   elə   bu   məqsədlə   mən
buradayam».   46 Yonatan   ona   inandı   və
onun  dediyi   kimi  etdi.  Qoşunu  göndərdi,
onlar da Yəhuda torpağına yola düşdülər.
47 Özü ilə isə üç min nəfər saxladı. Ondan
da   iki   min   nəfəri   Qalileyada   qoydu,   min
nəfər isə onunla birlikdə getdi. 48 Amma
Yonatan   Ptolemaidaya   daxil   olan   kimi
Ptolemaida   sakinləri   darvazaları   bağlayıb
onu   tutdular   və   onunla   birlikdə   şəhərə
daxil   olanların   hamısını   qılıncdan
keçirdilər.   49 Onda   Trifon   Yonatanın
tərəfdarlarının hamısını məhv etmək üçün
79

---

Qalileyaya   və  böyük   düzənliyə  qoşun   və
süvarilər   göndərdi.   50 Amma   onlar
Yonatanın   və   onunla   birlikdə   olanların
tutulub öldürüldüyünü biləndə bir-birlərini
ürəkləndirdilər   və   sıx   sıralarla   çıxaraq
döyüşməyə   hazırlaşdılar.   51 Onların
arxasınca   gələnlər   döyüşün   canları
bahasına   tamam   olacağını   görüb   geri
qayıtdılar.  52 Yəhudilərin  hamısı  isə  sağ-
salamat  Yəhuda   torpağına   çatdı,  Yonatan
və   onunla   birlikdə   olanlar   üçün   matəm
saxladılar   və   olduqca   qorxuya   düşdülər.
Bütün   İsrail   matəm   içində   idi.   53 Onda
ətraflarındakı bütün millətlər onları məhv
etməyə   cəhd   etdilər,   belə   ki   deyirdilər:
«İndi   onların   başçısı   və   kömək   edəni
yoxdur. Gəlin onların üzərinə hücum edək
və   insanlar   arasından   onların   xatirəsini
silək».
13