Deuterokanonik kitabları Yoxlama versiyası

Allah qüdrətli və rəhmlidir
21 Çünki Sənin böyük gücün həmişə 
müntəzirdir.
Sənin qolunun qüvvətinə qarşı kim dayana 
bilər?
22 Sənin önündə bütün dünya
Tərəzinin gözünü əyə bilməyən toz dənəsi 
kimidir,
Torpağa düşən səhər şehinin damlası 
kimidir.
23 Amma Sən hamıya rəhm edirsən,
Çünki hər şeyə qadirsən.
İnsanların tövbə etməsindən ötrü
Onun günahlarının üstündən keçirsən.
24 Bəli, Sən bütün varlığı sevirsən,
Yaratdığın heç bir şeydən iyrənmirsən.
128

---

Bir şeyə nifrət etsəydin, onu yaratmazdın.
25 Nəyisə Sən istəməsəydin, o, necə qala 
bilərdi?
Nəyisə Sən ərsəyə gətirməsəydin, o, necə 
qorunub-saxlana bilərdi?
26 Sən hər şeydən muğayat olursan,
Çünki hər şey Sənindir, ey həyatsevər 
Pərvərdigar.
12
 
1 Sənin ölməyən ruhun hər şeydə var.
2 Bu səbəbdən azmışları yavaş-yavaş ifşa 
edir,
Nədə günah etdiklərini onlara 
xatırladırsan.
Şərdən üz döndərmələri və Sənə iman 
etmələri üçün
Onlara nəsihət verirsən, ya Rəbb.