Deuterokanonik kitabları Yoxlama versiyası

Bütpərəstlərin sonu
22 Allahı dərk etməkdə azdıqları hələ bəs 
deyilmiş kimi,
Nadanlığın ağır müharibəsində yaşayarkən
Hələ bu böyük bəlanı da sülh adlandırırlar.
23 Uşaq qurban gətirmələri, gizli ayinlər,
Başqalarının adətlərindən götürülmüş
Çılğın ziyafətlər keçirərək
24 Həyatlarında və nikahlarında
Özlərini təmiz saxlamırlar.
Bir-birlərini namərdliklə öldürür,
Ya da zina ilə incidirlər.
132

---

25 İstisnasız olaraq hamı bu şeylərə 
mübtəladır:
Qan və qətl, oğurluq və hiylə, rüşvət,
Xainlik, üsyankarlıq, yalan and,
26 Əmlakı qarət etmək, yaxşılığı unutmaq,
Ruhları murdarlamaq, cinsi qeyri-təbiilik,
Nikahda nizamsızlıq, zina və əxlaqsızlıq.
27 Adlarına layiq olmayan bütlərə sitayiş 
etmək
Hər cür pisliyin başlanğıcı, səbəbi və 
nəticəsidir.
28 Çünki bu adamlar çılğıncasına şənlik 
edirlər,
Yalandan peyğəmbərlik edirlər,
Pis tərzdə həyat sürürlər,
Andlarını o saat pozurlar.
29 Cansız bütlərə ümid etdiklərindən
Yalan and içdikləri üçün
Cəzalanacaqlarını sanmırlar.
30 Amma hər iki səbəbə görə
Onların üzərinə mühakimə gələcək:
Həm Allah barədə küfr düşünərək
Bütlərə müraciət etdikləri üçün,
Həm də müqəddəsliyə məhəl qoymayaraq
Hiylə ilə yalandan and içdiklərinə görə.
31 Beləcə, and içdikləri şeylərin gücü ilə 
deyil,
Günah edənlər üzərində mühakimə 
vasitəsilə cəzalanacaqlar;
Bu mühakimə günahkarların pis əməllərinə
Həmişə cavab olur.
15