Deuterokanonik kitabları Yoxlama versiyası

Qırmızı dəniz
1 Amma günahkarları axıradək 
mərhəmətsiz qəzəb sıxışdırdı,
Çünki Allah onların gələcək işlərini 
qabaqcadan bilirdi.
2 Onlar əvvəlcə İsraillilərə yollanmağa 
icazə verib
Onları tələsik yola saldılar.
Sonra isə peşman olub bu xalqı təqib 
etdilər.
3 Hələ kədər qarşılarında ikən,
Ölülərin məzarı üzərində ağlaşarkən
Onlar başqa ağılsız niyyətə düşdülər;
Yalvarışlarla yola saldıqları adamları
Qaçaqlar kimi təqib etməyə başladılar.
4 Layiq olduqları tale onları bu aqibətə 
tərəf çəkib apardı,
Qabaqkı hadisələri onlara unutdurdu.
Beləcə, çəkdikləri əziyyətləri bir cəza da 
tamamladı.
5 Bunlar oldu ki, Sənin xalqın ecazkar bir 
səfəri başa vursun,
Misirlilər isə fövqəltəbii ölümə düçar 
olsunlar.
6 Beləcə, bütün yaradılış şəklini dəyişdi ki,
138

---

Sənin xüsusi əmrlərinə itaət etsin.
Yenidən öz təbiətinə görə yuxarıdan şəkil 
aldı ki,
Sənin övladların sağ-salamat qorunub-
saxlansınlar.
7 Düşərgəyə kölgə salan bulud peyda oldu,
Əvvəllər su olan yerdə quru torpaq 
göründü.
Qırmızı dənizdən maneəsiz yol,
Fırtınalı ənginlikdən yaşıl otlaq açıldı.
8 Sənin əlinlə qorunan xalqın heyrətamiz 
möcüzələri görüb
Hamılıqla dənizi aşıb-keçdi.
9 Çəmənlikdə otlayan atlar kimi, hoppanan
quzular kimi
Onlar öz Xilaskarlarına – ya Rəbb, Sənə 
şükür edirdilər.
10 Çünki hələ əsarətdə olarkən
Nələrin baş verdiyini xatırlayırdılar:
Yer üzü necə başqa canlılar əvəzinə 
milçəklər yetirdi,
Çay balıq əvəzinə çoxlu qurbağalar 
püskürtdü.
11 Sonra isə onlar istəklərinə uyaraq
Ləzzətli bir yemək istəyəndə
Nadir növlü quşların gəldiyini gördülər.
12 Onları doydurmaq üçün dənizdən 
bildirçinlər uçub gəldi.
Misir və Sodom
13 Amma günahkarlar cəzalara məruz 
qaldılar,
Bunlar əlamətlərlə, ildırımların gücü ilə 
müşayiət olundu.
Pisliklərinə görə haqlı olaraq əziyyət 
çəkdilər.
Çünki Misirlilər yadellilərə güclü ikrah 
hissi ilə yanaşdılar.
14 Sodomlular tanımadıqları qonaqları 
qəbul etmədilər,
Misirlilər isə xoş niyyətlə gələn qəribləri 
dustaq etdilər.
15 Sodomlular yadellilərlə düşməncəsinə 
davrandıqlarına görə
Hələ mühakiməyə də məruz qaldılar.
16 Misirlilərə gəlincə, əvvəlcə xalqını 
sevinclə qarşıladılar,
Onlara bərabər hüquqlar verdilər.
Sonra isə ağır işlərlə zülm etdilər.
17 Buna görə də Misirlilərin hamısı kor 
oldu,
Saleh olan Lutun qapısı ağzında 
dayananların aqibətinə uğradılar;
Onlar qatı zülmətə qərq olaraq qapılarının 
girişini aradılar.