Deuterokanonik kitabları Yoxlama versiyası

Çıxış zamanı təbiətin fəaliyyəti
18 Çəngdə səslər eyni olduğu halda ritmlər
dəyişdiyi kimi,
Ünsürlər də öz təyinatlarını dəyişdi.
Hadisələri diqqətlə izlədikcə bunu görmək 
olar.
19 Torpaqda yaşayan canlılar suda yaşayan
oldu,
Suda yaşayan varlıqlar torpağa çıxdılar.
20 Od suda öz gücünü saxladı,
Su da odu söndürmə gücünü itirdi.
21 Bir yandan da alov odun içinə girən
Zəif heyvanların bədənini yandırmadı,
Qara bənzəyən, asan əriyən, göydən yağan 
nemət ərimədi.
Nəticə
22 Beləcə, ya Rəbb, Öz xalqını Sən hər 
şeydə ucaltdın və izzətləndirdin,
Onu tərk etmədin, hər zaman, hər yerdə 
onunla birgə oldun.
139

---

SİRAXIN 
KİTABI
GİRİŞ
«Siraxın Kitabı» Yeşua Sirax adlı bir ilahiyyatçı tərəfindən əvvəl ibrani dilində yazılmış,
sonralar müəllifin nəvəsi tərəfindən yunan dilinə tərcümə edilmişdir. Bu barədə kitabın
ön sözündə məlumat verilir. Kitabın əsas hissəsini insan həyatı ilə bağlı müdrik məsəllər
və   sağlam   düşüncəyə   dəvət   edən   məsləhətlər   təşkil   edir.   Kitabda   həyat   və   məişət
məsələrinə Tövratın qanunlarına uyğun cavablar verilir. Müəllif İbrahimdən Nehemyaya
qədər İsrail tarixinin görkəmli simalarından da rəğbətlə bəhs edir.